الله يسامحك يا أخوي من أمي وأبوي

السلام عليكم

اخواتي كيف حالكم..؟

والله انه اكتب لكم وانا ابكي ما ادري ليه انا مشكلتي حساسه واي كلمة أتأثر فيني

يا اخواتي مثل ما تعرفون انا متزوجة من سنتين وخمس شهور ولين الحين ما حملت ورحت ما خليت لا مستشفى ولا حرمه اتمرخ والله تعبت الحمدلله لين الحين مافي شيء يخوفني بس الي قهرني اخوي الله يسامحه هو متزوج وعنده بنت وزوجته حامل انا احب بنته كثير لدرجة اني لو ما شفتها في يوم اشتاق لها موووت ما اقدر على بعدها الله يحفظها يارب المهم يالطيبات انا دخلت غرفة اخوي وشفته هو قاعد على السرير وبنته واقفه تميت انادي اسمها وهي اطالعني وتضحك رحت حملتها وتميت ابوس فيها وانا شالتها بطلع من الغرفه قالي تعالي اريدج قلت له هلا تفضل قالي انتي وين رحتي امس قلت له انا وزوجي رحنا المستشفى عندنا تحاليل الدكتورة طالبه تحليل مني ومن زوجي قال اوكي وسكت بعدين قال وليش رحتوا يوم الاربعاء للعين ونمتوا اهناك ورديتوا الجمعه قلت له بصراحه اختي من ابوي طبعا متصله عليه وقلت له انها امخبرتني عن حرمه اتمرخ ورحنا عندها ومرخت لي الحرمه ثلاث ايام سكت قالي ثاني مره لا تخلين الناس يضحكون عليج قلت له ليش شو سويت انا علشان يضحكون علي قال ايه ما خليتوا مكان ما رحتوا لا دبي ولا الشارقه ولا العين خلي عنج الادويه والخرابيط هاذي انتي اصلا شكلك مو شكل حرمه ولا شكل حرمه بتحمل ولا حرمه بتصير ام عيال لازم اتنزلين وزنك والله يا اخواتي اني سكتت ونزلت راسي حسيت بغصه وضيقه في صدري من كلام اخوي هو اصغر عني بسنتين ...والله بغيت ابكي سكتت منه قالي انتي لازم اتنزلين وزنك وبعدين فكري في الحمل قلت له انا نزلت 9 كيلو من وزني وسبحان الله ما صار لي حمل انا بس انقهرت من اسلوبه وكلامه الي يجرح ليش قالي انتي شكلك مو شكل حرمه ولا حرمه بتحمل ولا ام اعيال ليش الي صاروا امهات احسن مني في شو هذا الي قهرني كنت بقوله ليش شكلي حيوانه وانا ما ادري بس سكتت منه ما اريد اتجادل معاه بيجرحني اكثر في الكلام طلعت من عنده وانا ماسكه عمري ورحت غرفتي وقعدت ابكي بروحي قلت يارب انا شو سويت في حياتي ليه الناس دوم تجرحني واسكت يارب عوضني بتوأم اولاد علشان الي اتشمتوا عليه ربي يرويهم انه هو قادر على كل شيء ...ما اقدر اكمل لكم والله يالسه ابكي ما اقول الا الحمدلله على كل حال هذا نصيبي ...


اسمحولي اذا ضايقتكم