مراحب
اخوات اليوم اتصل ولد عمي هو متزوج وعنده عائله وقال انا في الطريق جايكم ودخلت امي علي وقالت يا الله بسرعه سوي شاي وقهوه ورتبي المجلس وقمت وانا كلي كسل وسويت الي تبي بعدين رحت اصلي وفجئه دخلت امي علي ثاني مره وقالت ترى زوجته وبنته جايين يا الله بسرعه سوي شاي وقهوه ونزلت وسويت ورحت اطلع الاواني حقت الضيوف وامي تقول بسرعه بسرعه قبل ما يطلعون وانا بس اراكض كني مجنونه وقلت للوالده كان قال لنا يوم اتصل انه بيجيب حرمته مو يقول ابجي وبس والمجلس الحريم مره حوسه المهم انا مادخلت لهم وبعدين انتهت الزياره وراحو ما طولو ويوم راحو امي قالت لي ان الحرمه تتشره عليكم تقول لو ادري ان بناتك ماهم مسلمين علينا كان ما جبت بناتي قلت يمه كيف يبوننا ندخل لهم وحنا ما درينا اصلا انهم بيجون الله يسامح ابوهم ليش ما قال ابجيب عائلتي وبعدين تخيلو كنت بس اسوي قهوه واروح فوق انزل الفناجيل حقات الضيوف واسوي شاهي ما امداني ولا حتى امشط شعري وصعبه اني ادخل كذا على طبيعتي ريحتي طالعه ولبس بيت وشوشتي طايره وهم ناس مره اتكيت ويدققون وينتقدون وجيتهم مره قصيره
انا الان بس افكر في كلام الحرمه وتشرهها علينا انا ما ابي الناس تاخذ فكره عننا اننا متكبرات او فينا عقد نفسيه بس وش اسوي مع هذولا الناس قبل ها المره جو فجئه وما قدرت ادخل عليهم و ها المره ابوهم يقول ابجي ونتفاجى انه معه اهله
بنات لا تقولون لي خليك دائم مستعده اقول صعبه الواحد احيانا ماله خلق شي
ظلع @thlaa
محررة برونزية
يلزم عليك تسجيل الدخول أولًا لكتابة تعليق.
اتصلي عليها واعتذري وبس عاد الله يعين على ضيوف كذ اوخاصه ن زيارتهم قليله ما يمديك تجهزين نفسك
الصفحة الأخيرة
وخيرها بغيرها حتى مايجي في خاااطرها
لك ودي