الله يستر من الحليم اذا غضب000نصيحتك عزيزتي؛ أختك بحاجتها

بسم الله الرحمن الرحيم
أخواتي في منتديات عالم حواء الفاضلات 00سلام من الله عليكم و رحمة منه وبركات00وبعد
حبيت تشاركوني في هذا الموضوع لأن كلي أمل بعد الله فيكم بأنكم خير مفيد لي 0
قصتي ببساطة أني انخطبت لزوجي من عشر سنين تقريبا يعني كنت في ثالث ثانوي وهوأكبر مني بسبعة عشر سنه وكان معجب بي لدرجه جنونية ويناكد اقربائه فيني و تزوجنا و خلفت منه طفلين زي القمر بنت و ولد و كملت معاه دراستي الجامعية وكان بصراحه الزوج الوفي و المعين لي بعد الله طبعا والحقيقه اشعر اني تربيت معاه و فتح عيوني على كل شيء وساعدني في كل صغيرة و كبيرة,يعني باختصار مدلعني آخر دلع و الحمدلله بس المشكلة الكل ملاحظ هالشيء و أولهم أهله لأنهم ساكنين فوقنا 000المشكلة يا حبيباتي أني على تعليمي و قرائتي لكل مواضيع التعامل الزوجي ماني عارفه أحترمه و لا أقدره و لما أحاول أحس لساني ينربط 0قد ما أصلي و أدعي ما فيه فائدة من أول ما أصحى من النوم أوعد نفسي و أنا لسا بالسرير أني أحسن أخلاقي معاه اليوم بس بمجرد ما أسمع صوته ولا أشوفه ينقبض صدري و أقول له كلمة تستفزه عشان يطلع أو يروح ينام وبعدها أندم ,و هذا الشيء صار من سنه تقريبا" بس الأيام هذي زاد الموضوع و مسكني و قال لي يابنت الناس أنا حاولت معاك بكل الطرق ما فاد خلاص لازم كل واحد يروح بطريقه ,واللي قاهرني انه يقول انك تحبي غيري؟ وبالعكس والله الكل يعرف اني ما أحب هالحركات 00بس اللي يصير غصب عني انا حساسه جدا" و اي شي يصير اقعد أعيد كل شيء صارمن زمان منه و الا من اهله و احقد ويبان في تصرفاتي اني ما اهضمه, علما" ان جميع صديقاتي و اكثر من وحده حاولت تجذب انتباهه و كان يحذرني منهم و هو فعلا" صادق بس انا للآن مستمره معهم لأني بصراحه أثق فيه أو بالأحرى ما أغااار عليه وهذا الشيء مجننه يقول انتي اخلاق مع الكل الا معاي حتى مع اهله من اول ما تزوجت الى الآن ماصارت بيني و بين اهله اي مشكله و أمه تموت فيني و الجميع مستغرب لانها شخصية عصبية مع الجميع و مع سلفاتي الا انا تمدحني قدامهم, و اخواته يفضلوني عليه وعلى زوجات اخوانهم الباقين, فأنا أحس أني انسانه مشتته اهتم بالاخرين اكثر منه وهو شايف و ساكت والله يستر من الحليم اذا غضب بس للمرة المليون اقول غصبا عني ما ادري ليه احسه ما يستاهل و انتوا الباقي عليكم وش تنصحوني فيه اعتبروني بالله زي اختكم 000دمتم بحفظ الله