الله يسخرلكم ازواجكم كل وحدة تسأل زوجها

و عليكم السلام و رحمة الله و بركاته

يا أختي اصابعك مو سوى حتى الرجال مو زي بعض يختلفوا

هذا زوجك انتي عارفه طبعه اﻷن يمر بمشاكل مالية و هموم

حطي ببالك الرجل نص كرامته بالفلوس يعني ماله وجه يقابل عياله و قابلك وهو مقصر 
أصبري و أدعي الله بالفرج 

الله بسعدك حبيبتي عزيره دنيا اخره 
ردك ريحني كثير
الله يفرحك مثل ما فرحتني واكثر

طيب ياقلبي ليش ماتبادرين انتي


ترا الرجال في هذا الزمن صاروا مايتحملون المسؤؤلية ولا ينتكل عليهم بشئ


اسعدس نفسك بنفسك


اذا تقدرين انت اتصلي عليه وعاتبيه وقولي له ليش ماتكلم عيالك ..
ايضا لو كنت تقدرين تأثثين الشقه اثثيها عشان نفسك وعشان عيالك وجيبي زوجك عندك
لايروح يدور على غيرك بعد ما يخلص من ديونه
لا تواجهين الغلط بالغلط
خلييك انت الرجال مدام انه موو حاسس فيكم
وش تسوين يعني تحطين يد على يد وتخلينه كذا
انت اللي بتتضررين اكثر
ياما حرريم اشوفهم سعيدات مع ازواجهم
وربي لو تشوفين حياتهم وراء الكواليس تعرفي انها هي بنفسها سبب سعادة نفسها
ترا الرجال الابضاي والسي السيد نادرين في هذا الزمن
الان اغلب الرجال مايتحملون المسؤؤلية
انت صححي اوضاعك بنفسك ولمي شمل اسرتك .. واولادك
والله يسخره لك

الخيانه امرها صعب يبيله موضوع لحاله 
الديون اللي عليك هل تقدرين تسددينها اذا عندك راتب سدديها و اعتبريها صدقه و انسي امرها 
اعتبريها تفريج كربه اذا ما عندك لا طالبيه باللي يضمن حقك وما يورطك فيها بعدين 


سالفة الاثاث مثل قريبه لي زوجها مو موظف و بيتها فاضي و راح دبر كم ريال وتزوج الثانية 
المهم زوجته الاولى قريبتي جاها حافز 
اثثت البيت و غيرت كل شيء 
و قلنا له انتي صاحيه  بعد هذا كله تسوين كذا 
قالت ماهي له ولا لسواد عيونه 
 البيت اذا اثثته فعشان عيالي ونفسي كيف اعيش في بيت فاضي ويسد النفس
و اذا زاروني ناس يكون يواجه 
و يزيد ثقتي بنفسي 
الحرمة حسبتها من ناحية  > دامه راح بسلامته ببسط نفسي بنفسي !
و صراحه بيتها الحين افضل بكثير من اول 
و حتى هي نفسيتها تغيرت صارت اجتماعيه وتعزم 
يمكن السبب اول ان بيتها على قد حالها وتستحي تعرم فيه 
وانتي ادرى بنفسك تقدرين تسوين مثلها بدون ما تتحسفين 
لان زوجك تقولين خانك و اخذ عليك ديون فيمكن اخلاقه تكون شينة 
لكن زوج قريبتي يعاملها زين عيبه الوحيد زواجه عليها وهو طفران 

حبيبتي ذات الظفائر 
انا بادرت كذا مرة وبينت له انه مقصر من ناحية سؤاله عن عياله حتي اني اقوله ادري انك مديون ومهموم بس هذا ما يمنع انك ما ماتدق وتسأل عن عيالك يرد يدق ثاني يوم وبعدين يطنشنا اسبوع واكثر من اسبوع وما يدق الا انبهه ويتحجح انه مشغول يدور علي فلوس
ولا يصرف علينا 
وانا ما اقدر اثث شقتي لاني مو موظفة ولا عندي دخل واهو مو ظف وما ادري وين يودي فلوسه وحتي عياله ما يصرف عليهم والحمدلله اهلي يصرفةن علي وعلي عيالي 
اشكرك حبيبتي علي ردك والله يوفقك في حياتك ويرزقك اللي تتمنينه