الله يسخرلها زوجها ويرزقها بالذرية الصالحة اللي تدخل وتجاوبني....

السلام عليكم ورحمة الله وبركاته
اخواتي العزيزات عندي بعض الاستفسارات ابسألكم عنها بس بعد مااقولكم قصتي....
انا متزوجه لي سنتين و9شهور
حملت خلال هالسنتين مرتين بدون منشطات وبدون شي ولله الحمد
بس مشكلتي انه اذا وصل الجنين عمره شهر ونصف يطيح
اخر حمل كان قبل سنه ومن بعدها ماحملت ولين الحين ماادري وش السبب
راجعت عند اكثر من طبيبه وكانت الفحوصات معروفة
(تحليل هرمونات+ اشعة صوتيه لمراقبة التبويض)
ونتائج التحليل تكون لخبطة في هرمون الغدة الدرقيه + ضعف بالتبويض
طبعا كلهم يكتبون لي كلوميد او ابر منشطه
بعدين تركتهم ورحت لطبيب ثاني قلت لعل وعسى يكتب ربي على يده الشفاء
شرحت له وضعي ومشكلتي ورفض انه يسمع مني اي شي الا بعد مايسوي
الفحوصات
طلب مني اني اسوي 3 تحاليل للهرمونات واشعة
سويت حتى الان تحليلين واليوم المفروض اني اسوي الاشعة
بس بعد ماقريت ورقة الاشعة اكتشفت انها اشعة ملونة (زيتية)
وانا سمعت كثير عن هذه الاشعة وعن صعوبتها وألمها الشديد ومضاعفاتها
وكان الموعد الظهر طبعا طول الليل مانمت من ضيقت الصدر والخوف
ويوم صار الصبح صليت صلاة الاستخاره ونمت
جاء زوجي قومني مرتين علشان اروح للمستشفى واسوي الاشعه
-على ان نومي مررررررره خفيف الا انه والله العظيم ما حسيت فيه-
ولا قمت الا العصر ويوم قمت وقالي زوجي انه قومني وكان مستغرب من نومي هالمره
فرحت مره وقلت انشاالله انها خيره
بس من يوم دروا اهلي اني مارحت صاروا يلوموني وينتقدوني وزوجي يهاوشني
وكلهم مستغربين مرررره ليش مارحت
ألحين انا ابي اسألكم:
* وش فايدة الاشعة الملونة انا سمعت انه مايسويها الا اللي ما قد حملت؟؟!!!!!
*هل هي مؤلمة مررره؟؟؟؟؟؟؟؟؟؟؟؟
*كيف طريقتها وماهي مضاعفاتها؟؟؟؟؟؟؟؟؟؟؟
*هل الاشعه الصوتيه تغني عنها؟؟؟؟؟؟
ارجوكم ردوا علي الله يرزقكم بالذرية الصالحة ويسخر لكم ازواجكم...........