الله يشفيك يارب ..

وعليكم السلام ورحمة الله وبركاته ..

تعليقا على اللي كتبوه البنات انا بكتب لك بحكم اللي اعرفه من شخص عندنا الله يرحمه ويغفر له ..

المهم حبيبتي :

السنا مكي = مضر اوقات لان كثرته اوقات تطلع حتى عصاره المعده يعني استخدميه مرتين بالاسبوع مو اكثر وخلي الكميه قليله ..
لان انا مره شريت شاي ريجيم اسمه شاي الضيافه ومكوناته الاساسيه السنا مكي والله بغيت اموت منه واكتشفت بعدين ان هالشاي مضر وقطيت العلب بالزباله وانتي بكرامه ..
هو حلو في حال انك تحطين كميه قليله تفورينها وتشربينها بس لاتكثرين ..

القهوة التركيه او النسكافيه = كثرتها مضره ممكن تاثر عالقولون وخاصه شربها عالريق .. حسب ماقريت مع اني مدمنه عليها الصراحه ..
بس انا من باب اعلمك باللي اعرفه وانتي اختاري اللي يناسبك ..

الكوسه = فعلا ممتازه للامعاء ..

وزي ماتفضلت الاخت ابتعدي عن النشويات والرز والمعجنات والبقول لانها كلها تسبب امساك ..

وبنصحك ببعض الاشياء مفيده لليونه البطن وطبيعيه :

* اشربي اول ماتصحين كوب ماي دافي بعد ماتذوبين فيه نص ملعقه عسل نحل طبيعي ..واقعدي ربع ساعه لا تاكلين شئ ..

هالطريقه تنظف الامعاء وتطهر المعده وتلين البطن وتصفي البشره والشعر ..

ولاتنسين انه مذكور في القران بانه شفاء لكل داء باذن الله ..

* على الفطور اشربي عصير برتقال طبيعي .. بدال الشاي والقهوة ..
البرتقال غني عن التعريف فيه فيتامين سي ويعطي نضاره للبشره والشعر وللجسم يعطي مناعه ضد الامراض باذن الله ..
بالاضافه انه ملين طبيعي للمعده ومطهر للامعاء والجسم ..

* حليب النياق هذا عاد معروف بمفعوله الاكيد انا اشوف اخواني لاطلعوا البر وجابوا معهم وشربوه انواع السرى على دورة المياه ههههههههه بس انا ما احبه ..

ولاتنسين الرسول قال فيما معنى الحديث تداوو بالبانها وابوالها ..

يحرك البطن ولو حطيتي عليه ملعقه عسل عز الطلب ههههههههههه

* اخر شئ بقولك عليه زيت الخروع هذا معروف للكل بانه ملين طبيعي ومطهر للمعده غير فوايده للبشره والشعر ..
اشربي منه مع عصير او حليب مقدار ملعقه صغيره .. وخليه مرتين بالاسبوع لاتكثرين اخاف يضرك ..

هذا اللي اعرفه عن الملينات الطبيعيه كنت بقولك المنجة بس الاخت اخبر مني وقالت لك لا تاكلينها وهي ابخص لانها عانت نفس المشكله ..

ولاتنسين تشربين ماء زمزم او ماء مقري فيه دايم بنيه الشفاء :)

سوي لك جدول بالاشياء اللي ذكرناها تشربين من كل شغله مره او مرتين بالاسبوع خاصه الاعشاب وزيت الخروع والحليب..على اساس مايضرك شئ ياغاليه ..

اما العسل والبرتقال واليوسفي مامنه مضره لو اكلتيه كل يوم ..ان شاء الله ..

الله يشافيك ويعطيك الصحه والعافيه انتي وكل بنات المسلمين ياحي ياقيوم ^_^
وان شاء الله اجر وعافيه حبيبتي ..
ربي اذا احب مؤمن ابتلاه وانتي ان شاء الله من اللي يحبهم الله ..وان الله مع الصابرين فديتك :)

اختك :
لولونونو

حبيبتي اتمنا افيدك بس كنت اعرف وحدة نفس حالتك
وسالت واحد لما سافرت اندونيسيا طبيب اعشاب قالها اجلسي شهر كامل
كولي 7 تفاحات باليوم ومعاه كاسة زيت زيتون
بتطرد اي سموم بجسمك
انا استغربت سبع تفاحات وهي تقول انها شوي وبتموت من الغثيان بسبب كثرة التفاح
لكن تحسنت حالتها كثييييير وحتا بنت خالتها كان معاها حصا بالكلية ومرررررره ازمتها تقول الالم اذا جاها لازم تروح للمستشفا من كثر الالم،، تقول بعد ثالث اسبوع من استخدامها لذي الطريقه وهي بالحمام اكرمكم الله نزلت منها حبة حبة

اتمنا اني افدتك وادعيلي بظهر الغيب انوا ربي يرزقني باللي ببالي ويوفقني وياه
ويااااارب تتحسن حالتك

وفيه بعد ملين بالصيدليات ساعد امي بعد عمليتها على العلبة رسم خضار ونفس الدواء عبارة عن رقاقات مبشورة صغيرة سودا مقرف شكلها بس فادتها مره

وصفة لعلاج الإمساك:
أضف ملعقة كبيرة من العسل إلى كوب حليب دافئ اخلط الاثنين جيداً وتناول من الخليط مقدار ملعقتين كبيرتين كل مساء إلى أن تزول أعراض الإمساك ويجب أن نذكر أن تعريف الإمساك طبياً هو عدم قدرة الإنسان على قضاء حاجته لمدة ثلاثة أيام بلياليها وما قل عن ذلك لا يعتبر إمساكا ولا يحتاج لعلاج ولكن الأفضل هو قضاء الحاجة يوميا.






دع’ــــــــــــوآآتك