الله يسعدكم أحتاج ذوقكم وخبرتكم

لله يسعدكم أنا أول مره أكتب في هالقسم وكلي أمل انكم تساعدوني عندي الصاله فيها خمس أبواب ومافيها ولا شباك عشان مقسومة مع صالة حماتي ( أم بعلي ) فخليتها غرفة جلوس لنا وحوستنا وصابغة لونها أصفر فاااااقع على عدسي كذا يبغاها زوجي الله يسامحه فهم اللون غلط والكنب كنت أبغاه أورنجي فاااتح بس حطه الله يهديه أورنجي فااااقع والفرشه حمراء والمخدات والتحف أصفر وأورنجي وأحمر وأخضر طيب مو نفس الدرجات اللي أبغاها سايره مرره كتمه مع الاضاءة ومافي شباك طيب أبغى أغيرها وأبغى أستشيركم في الألوان :
نفسي أضرب البويه رمادي فاتح وجدار واحد أفتح درجات الشوكولاته عشان فيه عندي في الغرفه تحف بيج وذهبي وحوض سمك بني فاتح .
ماشي والكنب أبغى أنجده من ايكيا الأبيض مشجر بالورود السوداء والفرشه والساعه والتحف والمخدات أخليها حمراء . ايش رايكم هي حتسير مرره رسميه بس أتوقع أحلى
على فكرة اللي تبيع صور مناظر طباعه على الجدران أو تعرف رسامه أو محل ورق جدران رسومات طبيعة حلوة تدلني عشان بأفكر أخلي جدار رسومات طبيعيه توحي انه كأنه شباك