الله يسعدكم ابغى مشوورتكم تكفووون تكفووون

السلام عليكم يا حوائيات
اهذي اول مشاركة لي وابغى مشورتكم الله يسعدكم
مشكلتي يابنات
انا لي 13سنة متزوجة عندي ثلاثة اولاد
بين الاول والثاني 5 سنوات والثاني والاخير سبع سنوات
اخذ مانع سنة ونص وبعدين مانع بدون سبب واتوقع بسبب حالتي النفسية اللي معيشني فيها وواحمل بدون شي
اروح المستشفى يقولون كل شي تمام وكمان سقطت مرة بعد الثاني
مشكلتي ان زوجي مايبغاني اخذ مانع ابد
وجميع السنين اللي مضت من زواجنا عايشين في مشاكل بسبب الحمل مايبغاني اخذ اي مانع ابدا ويجلس يعايرني انتي ماتبغين العيال ولاتبغين الحمل وان التأخير هذا بسبب الموانع اللي تاخذينها سببت لك تأخير الحمل
شوفي اللي متزوجين معنا معاهم اربعة وخمسة ومن هذا الكلاام

وقبل لا احمل بولدي الاخير صارت مشكلة طويلة عريضة رحت لاهلي المهم تراضينا وبعدها وعدني اني لو احمل انه ماعاد يقول لي شي ولا يذكر طاري الحمل المهم عنده احمل الحين وبس وحملت وجبت ولدي الله يحفظه هو واخوانه ولي اسبوعين الحين
وفاتحته بمانع للحمل رفض يقول ماراح اخذ مانع للحمل ابدا
قال ماراح تحملين انتي من النوع اللي تتأخرين في الحمل
قدني بانجن خايفة احمل بدري وحاسة اني راح احمل وانا ما ابغى الا ع الاقل بعد سنتين
مشكلتي بالتحديد اني تعبانة نفسيا وجسميا من حملي الاخير طول حملي وانا طريحة الفراش بسبب نقص الكالسيوم عندي عظامي كلها توجعني واسنااني كلها متآكلة ابغى اتعالج وارتااح فتررة بعدين افكر في الحمل

طبعا مو حاس فيني الاخ اهم شي عنده اعبي البيت عيال على حساب صحتي وحياتي
وكمان احب اقولكم هو موظف وراتبه قليل يادوب 2500 وانا اللي جالسة اصرف ع البيت من راتبي واسدد الاجار واجيب لبسي ولبس عيالي واغراض النونو كمان
ابغى اقول لكم هل معي حق اني اخذ مانع حمل بدون مايدري مثلا اركب لولب بدون مايدري يمكن الحبوب او اللصقات راح يكشفني فأبغى مشورتكم تكفون شوروا علي
تكفوووون