الله يسعدكم ادخلووو ضروري

السلام عليكم راح ابدا بالموضوع ع طول انا اتزوجت من خمسه سنين وعندي بنت عمرها اربعه سنين طبعاً معانتي بديت من ولادتي الحمدلله زوجي طيب وحبوب بس مدري ايش صار من ولدت جاني الالم فضيعه بالظهر لدرجه انو يجيني شد بالظهر باماكن متفرقه كل مره بمكان واطيح ع الارض ولا اقدر اتحرك ابداً من الالم وينكتم نفسي ماتهنيت من لما ولدت حتئ بنتي مااقدر اشيلها ولا اقدر امشي حتئ امي تحممني وتلبسني وتساعدني بقضاء حاجاتي لاني مااقدر اوقف من الالم والمشي صرت امشي ع كرسي متحرك ورحت كل المستشفيات حكوميه وخاصه ولا احد عرف ايش فيني كل التحاليل والاشعه ماتوضح شي وسليمه الحمدلله وجلست ثلاثه شهور ع هالحاله ماقدر اتحرك بعدها الحمدلله تحسنت شوي وصرت اقدر امشي واتحرك ورجعت بيتي بس ماراحت الالم من ظهري ابد يالمني الم مو طبيعي لما انام عليه وماقدر امشي كثير ولااجلس كثير احس حياتي صارت صعبه مع الالم احسني عجوز ماتهنيت بزواجي وبحياتي ببدايتها كاني عجوز ماقدر امشي كثير وبس منسدحه ماقدر اجلس كثير ودايم مشاكل مع زوجي لما يجونا ضيوف اتعب وماقدر اسوي شي واعصب ويجلس يقولي انتي ماتحبي الناس وانتي دايم اذا احد زارنا تسوين مشاكل مو راضي يفهم اني تعبانه يادوب اخدم نفسي كيف بااخدم ناس وكمان يعصب عشان بنتي نحيفه وهزيله يقولي انتي ماتهتمين فيها ولا تراعينها وانا يادوب اتحرك من الالم وكل مره افهمه اني تعبانه واللحين بنتي عمرها اربع سنين وانا باقي معي الالم الظهر والله تعبانه من حالي وبس ابكي مدري شسوي ودي اطلق من زوجي عشان انا مااقدر اتحمل بيت ومسؤليه واطفال واكيد هو بيمل وحالي مافيه تغير الالم ماتروح ابد وانا ضغطت ع نفسي وحملت مره ثانيه عشانه مابي احسسه بنقص او اني ماقدر احمل بس مدري شسوي خايفه تزيد الالم واصير ماقدر امشي تاني تعبانه وابكي احسد كل البنات اللي حملو وولدوا مشالله ورجعت بيتها وهي طيبه وبصحه وعافيه وتهتم بولدها وترجع لبيتها مبسوطه بالله ادعولي بشفاء العاجل قولولي شسوي كيف ارتب حياتي وانا كذا ومن مر عليها مثل حالتي