الله يسعدكم الكل يدخل زوجي وعياله

بابنات انا فتحت هذا الموضوع ابغى شوركم انا لي سنتين متزوجه واحد مطلق .. وعنده اربعه عيال من طليقته قبل زواجي اتفقنا وبيننا شرط اني اعيش منفصله عن عياله وقالي اوك وان امه تكفلت برعايتهم الاولاد كانو عند امهم
بعد زواجي بسبوعين ارسلت اولادها وعادي استقبلتهم ووقتها كانت الصدمه اني بديت الحين بديت احس اني جنيت على نفسي بزواجي منه وانه فوق راسه مسئوليات كبيره وانا ابغى اعيش حياتي راحت الاحلام الورديه وراحت السكره وجت الفكره استقبلتهم وعاملتهم احسن معامله .. بعد اسبوع رجعهم لامهم المهم مرت الايام وجا العيد وعيدنا وبعد العيد بيومين جاب عياله وانا عروسه مره ثانيه لمده اسبوعين طبعا طبخ وتنضيف وازعاج مو طبيعي وانا ما ني متعوده على الاطفال ... المهم دقت عليه طليقته وتشادو في الكلام وقالتله خل اولادك عندك انا ما ابغاهم جبلي الاثنين الصغار بس,,. فعلا ارسل الصغار واخذ الكبار وراح شرالهم من الى ولابس ولوازم اكل وكله ووداهم عند امه ً.. وسجلهم بالمدرسه ووحده بالروضه ... المهم ارتحت شوي وقررت احمل وبعون الله حملت وقبل الكمل سنه ارسلتله كل الاولاد والكبار اجزو وجابهم عندي شهر ونص وهم عندي اصغر وحده عمرها سنتين وتحت امها لكن يا بنات ورب البيت ما قد سمعتها يقول ماما .. من كثر ما امهم مشغوله بحياتها وصحباتها عنهم مع الشغالات .. المهم مر الشهر والنص وانا حامل بالسابع وتعبانه وقرفانه وانا بخده زوجي وعياله وعده الايام وحس اني تعبت واخذهم ووداهم جدتهم بحكم انه هو جايب شغاله لامه .. وكل بعد فتره يجيبهم بالاسبوعين .. والاجازات عندي يعني انا والله من يوم تزوجت ولا اجازه تهنيت فيها وهو ولا حاس ولا همه .. المهم كذا مره ترسله طليقته سب وشتم وانها انفكت منه وانها متهنيه مع زوجها الجديد وترسله انا اخذتك لحم ورميتك عضم وتسب فيني واني ما لقيت احد ياخذني رغم اني والله اكثر وحده بالعيله انخطبت بس النصيب كان معاه وتسب ببنتي وهو والله يابنات ما يرسل اي شي يدافع او يرد عليها لدرجت اني اقول في نفسي يخاف منها .. وكمان مره رفضت طليقته تعطيه البنت الصغيره يشوفها ووفق المصروف وبدات ترسل وتسب وتسخط بكلام والله المسلم مايقوله للعدو وارسل مصروف يا ابن الكل...... وانت اصلك.... وكلام يشيب الراس وبعد فترح الاقيه محول لها بعد ما كان يحلف انه ماحيرسل ريال الين يشوف بنته ... المهم انا تحملت مشاكلهم وقلة حى طليقته واولاده وبروده هو ..واذكر يا بنات اني كل ما تمشكلت معاه علما اني مره هاديه ومشاكلي مره قليله ودايما بسبب حياته السابقه ً..المهم مره صحيت وما لقيته وخرجت ولفيت البيت كله ماله حس وافتح باب المجلس والاقيه يتكلم جوال بصوت واطي بمنشفه بس لافها على خصره يعني ملط المهم سويت نفسي عادي وقلت له انت هنا ورحت وسبته وبس خطوات ويرفع صوته قلك يكلم اولاده وهو كلمهم فعلا بس كان يكلم طليقته بالواطي قبل المهم قلي انا بروح اجيب اولادي يجلسون عندي الاسبوع ذا قلت حياهم وهو يخرج من هما وانا اكتب له ورقه اني ما عاد اتحمل حياتك ووضعك اتهنى بالبيت انت وطليقتك وعيالك انا دقيت على اخوي جاي ياخذنيوعلقتها على باب الغرفه.. المهم هو جاء وجاب عياله بكل برود بعد ما جلس بالساعات يتكلم مع طليقته بالمجلس رحت عن اهلي وجلست 3 ايام ولا عبرني وباليوم الرابع دق علي ورديت قلت اكيد عنده تفسير لتصرفه وارد ويقلي انا جاي امك صاحيه قلت اصحيها اذا تبغى وجاء يشتكي اني خرجت من البيت وقلب الموضوع كله عليه واه طلاب حق وكلام كبير انا انهرت فوق ما انا متحملته يجي يكلب السالفه كلها علي حسيته مكار ومصيبه واستغربت ليه ما يستعمل مهره مع طليقته مو معاي انا اللي شايلته على كفوف الراحه المهم انا ما حبيت اكبر الموضوع ورجعت بيتي بس ورب البيت قدره قل وطاح من عيني مره الايام والاقي رساله من طليقته تسب فيني وفي بنتي كلام مره مقرف وما ينقال الا من ناس قليله حياء ومن ناري اساله يقلي ايش اسويلها انا ارفع نفسي قلت انت خايف منها ونكتت اللي كل بقلبي وادخل غرفتي وارسل رساله باني انا اللي صاينتك ما ترد ولا تدافع عني وعن بنتي انت انسان. جبان وارسلها لجواله ويجي هاجم على الغرفه افتحي الباب افتحي الباب وما فتحت قال افتحي عندي عمل مهمه مستعجله وابغى الملابس يابنات هذا الكلام وعياله عندي وطبخ وتنظيف وتعب ولا عندي شغاله.. وافتح الباب ويجي هااااجم علي والله بغى يضربني وبنتي شهرين عمرها بيدي ليه تقفلي الباب وينحق ويحمي صوته وعيونه قلت له الغرفه عندك واخذ ملابسه وطلع برا الغرفه وادخل انا واقفل الباب وارسل رساله كتبت فيها وربي انك انسان حقير تمد يدك على .. ويجي هاجم مره ثانيه لكن الباب مقفل ويروح ياكل عياله ويدخلهم المقلط ينامو ويخرج من البيت ودقيقه تدق على امي زوجك يابنتي دق على اخوك جايينا في شي يابنتي قلك لا يا امي يمكن بيغير جو عن اخويا ويروح ويتشكى ويجيب امي واخويا معاه المهم انا لما دخلو علي جلستهم في االصاله وقلت ايش فيه يا امي قالت كيت وكيت وكيت قلت لها انت تعرفيني لكن انا بقول اللي بقلبي من يوم تزوجت ذا المخلوق وانكت كل شي وتعصب امي وينط هو ويقول ليه تقلي حقير يااما تحترمني ولا كل واحد يروح لحاله قالت لامي اخوي عن رسايل طليقته من يوم ما تزوجته وكل شي وسب وقله الحيا اللي ترسلها له وهو زي الدجاجه وانا على المسكينه يفرد عضلاته المهم قلب الهرجه على اني اخرته على عمله بقفله الباب وانه وراه مهمه قلت له ليه ما رحت مهمتك بعدين رحت تشكيت قال رحت وخلصتها المهم انا هنا انصدمت الكذاب خرج من عندي ودق على اخوي ما مداه يروح ويرجع وبيت اهلي بعيد وعمله ابعد بنص ساعه بينت انه يكذب وبعد ما هدى الوضع قلي انه اختلق السالفه حقت العمل والمهمه عشان يضغط على ويقلب الهرجه .. وانقلب وجهي وصرت اخاف منه وانت ممكن يبلاني بشي لمصلحته والمهم كالعاده انا قفاله الشكاوي حقته وقلت لامي انا ماشكيب ولا ابغى شي هو يبغى شي مني يبشرقام ونط ابغى الاحترام .. وانا يشهد على الله اني في قمه الاحترام والذوق معه ومع الغير


اهم نقطه
عدت الايام وبدي يزن عيالي وعيالي وابغى اجيبهم عندي ومن ذا الكلام المهم هو عارف اني طالبه ومشترطه السكن لوحدي فوق كل همي صابره وكل يوم يومين يزن وانا تعبت نفسيا بيتي مملكتي ولاني مستعده اتحمل اغلاط غيري تعبت منه لدرجه اقول لو فرض علي عياله بسيب بيتي والله يعوضني خير

الرجال طيب وابنةحلال بس احسه مو مامن لاحد من كثر ماعاش من خيانه وخداع وغش وكذب مع طليقته احسه يحسب كل الحريم زيهااا والله تعبت شوركم يابنات
ولا وحده تجي تقلي ربيهم واعتبريهم ايتام ومن ذا الكلام رجاء انا ما فيني اعيش حياتي اربي عيال غيري وامهم متهنيه وعايشه حياتها اسواق وسفرات ولا تدري عن عيالها معليش لا تزر وازرة وزه اخرى

ولكم خالص شكري ام لارين