الله يسعدكم اللي تقرا قصتي او ماقرات ادعولي اكون حامل دورتي يوم السبت

السلام عليكم هلا اخواتي والله اني ماعندي احد افضفض له غيركم لاني وزوجي مغتربين في بلد اجنبي وامي واخواتي في بلد ثاني انا لي متزوجه ثلاث سنين وثلاث شهور اول سنه مافكرت في الاطفال نهائيا :39:ومن منتصف السنه الثاني العالم كله(اهل زوجي و اقربي) يسال حامل؟ مافي شي جاي في الطريق ؟ هم الناس كان نفسها تسال من اول سنه بس لسوء حظهم جوزي بعد الزواج بشهرين جاته منحه دراسيه وسافر وبعد ثماني شهور انا سافرة عنده.قبل فتره نزلت اجازه عند اهلي والناس ماريحوني طول الشهر يسالوا وكل ماازور وحده ولدت كل الحريم الي جالسين يبدا يدعولي والله مادري من قلبهم ولاشماته المهم الحمدلله على كل شي. ممكن تقولوا لايهمك كلامه انتو عارفين؟؟؟ والله في وحده قالتلي ((((مسكينة امك الناس ماريحوها ايش فيها بنتك ماحملت على الاقل احملي علشان تريحي امك حتى هي نفسها تشوف عيالك)))) طبعا لاتعليق :44:كل ماعطي نفسي امل اني صغيره وان شاءالله الله راح يرزقني يخلوني افقد الامل.الله يسامح القريب والبعيد مايرحموا الواحد .معليش طولت عليكم بس ادري قلوبكم واسعه

المهم من بداية السنه الثلاثه بدات خلطة عيون وليد اخذت المكسرات بالحليب الاناناس السمسم وكان نفسي اخذ خلطة حبوب القاح والعسل بس غير متوفر في دول اوروبا وفي هذه الاثناء بدينا انا وزوجي التحاليل والفحوصات الاشعة وكل هذا اخذ سته شهور الانه المواعيد عندنا مره صعبه الحمد لله اول مره الدكتور قال زوجي عنده شي بسط ناقص باتحليل السائل وطلب منه يعيده بعد فتره الحمدلله طلع كويس ماشاء الله.
ام انا الدوره غير منتظمه يعني تتاخر اسبوع او اسبوعين الدكتورة قالت انه عند تكيس في المبيض وهذا سبب عدم انتظام الدوره قالتلي ابدا كلوميد وبدا كلوميد والله وحده المستعان صح اني تعبت وانا اخذ الحبوب اخذتها مرتين وكل المرتين التبويض ماشاء الله بس مايحصل حمل بس كنت مفتكره من اول مره راح احمل وجهزة تحليل الحمل بسسسس الدوره جات والحمد لله انتظمت المره الثالثه اعطتني بعد الحبوب ابره تفجيرية وكانت بويضتين بس لم يحدث حمل والحمد لله كما ينبغي لجلال وجه وعظيم سلطانه.بعده قالتلي نوقف شهر وبعده بدات المره الرابعة من الكلوميد الشهر الماضي بس من غير ابرة وطبعا كل مره نتابع بالسونار وتحديد يوم الجماع والله يعين اللحين بطني من امس يعورني وعندي صداع من كم يوم والله احس بارهاق ونعاس ونغزات في الصدر وعندي افرازات قليل بيضاء شفاف (الله يكرمكم) اليوم جبت تحليل حمل وطلع سالب بس والله املي في الله كبير يارب لاتخيب املي لانه لسه بااااقي على الدورة 4 ايام موعدها يوم السبت الله يخليكم ادعولي اكون حامل يارب كلنا نكون حوامل يارب .


والله اول كنت افكر اجيب بيبي :04:علشان اسكت الناس وبعده صار همي افرح امي وابوي الله يطول من عمرهم واهل جوزي الى كل يوم يسالوا بس بعده صار همي جوزي اللى كل ماشوفه يبوس بيبي عيوني تدمع والله الحين ابكي وانا اكتب لانه ماصار يهمني احد انا نفسي اكون ام .