السنابل>>> :

أنا ما عندي دايو بس حبيت أفيدك إنه خيار المكوى في النشافة مو معناته إنها تطلع مكوية ,لكن المقصود إنها تطلع جاهزة للكوي يعني يكون فيها شوية رطوبة فتكويها بسهولة.. وفيه نقطة قالتها أحد الأخوات إنه الغسالات المدمجة مع مجفف يكون سعة المجفف نص سعة الغسالة يعني إذا غسلتي بسعة الغسالة كاملة فعند التجفيف تقسمي الملابس على دفعتين علشان تجف بشكل مناسب وعلى فكرة علشان تنفرد الملبس كويس و ممكن تستغني عن المكوى في بعض الأحيان لبعض الأقمشة فلازم ما تكثري ملابس أثناء التجفيف لأنه لو الملابس كثير فحتكون الملابس مكومة على بعض ومكرمشة و ما حيكون فيه مساحة للملابس إنها تدور بحرية وتنفرد فطبعا حتنشف وهي مكرمشة وحيكون كويها أصعب من لو خليتيها تنشف مفرودة على منشر أو حبل غسيل. الثياب الرجالي لازمها كوي ما تقدري تعتمدي على المجفف في فردها هو حيسهلك المهمة فقط لأنها ما حتكون مكرمشة كثير . بالنسبة للعباية إذا حطيتيها لوحدها خليها 15 أو 20 دقيقة وطلعيها ممكن تضبط معاكي وحتى لو فيها شوية رطوبة أو شوية تجاعيد علقيها في علاقة و أتركيها فترة راح تجف تمام وتنفرد وهي معلقة..عموما المجفف يبغاله تجارب وفشل لحد ما توصلي للنجاح وإن شاء الله تضبط معاكي.

أنا ما عندي دايو بس حبيت أفيدك إنه خيار المكوى في النشافة مو معناته إنها تطلع مكوية ,لكن المقصود...

فراشة الجوري الحمر :

مرحبا اختي غسالتك نفس غسالتي بالنسبه لبرنامج الكوي هو مايكوي كل الاقمشه اقمشه تطلع ماتحتاج مكوى واقمشه لا تحتاج انا حطيت عبايتي اول مره حطيت بعد الغسيل تنشيف مع كوي طلعت العبايه تحتاج كوي ومايمشى فيها المره الثانيه غسلت عباتي بس ماسويت تنشيف بعد ماخلصت الغساله دوراتها اخذت عباتي وكان فيها نسبه رطوبه ماتنذكر ونشرتها زين ومااحتجت اكويها بعدين برنامج الطفل هذا يعمل بعد تشغيل الغساله تضغطين على الزرين الين يضوي

مرحبا اختي غسالتك نفس غسالتي بالنسبه لبرنامج الكوي هو مايكوي كل الاقمشه اقمشه تطلع ماتحتاج مكوى...