يا بنات إيش الحل مع اللي ما تاكل كثير وهي غالبا وجبة وحدة باليوم وما تاكل إلا نصها أو ربعها وحتى الشرب قليل واللي في البيت يقولو حرام عليكي لازم تاكلي راح تتعبي كدا بس ما أقدر سبحان مغير الأحوال ... كنت آكل كثير وأسهر على التسالي والمكسرات لحد لما صار معي اكتئاب و زاد وزني مرة والآن نفسي أغلب الوقت مسدودة يمكن عشان مقبلة على سفر للخارج وخايفة ... ولي أربع شهور أو أكثر على هادي الحال ومع ذلك ما أنقص كثير كيلو أو ثلاثة أتأرجح بينهم يروحو ويرجعو ودحينا نفسيتي تعبت مرة أكتر من أول لما شفت إني زدت كيلو فقررت أطلب مساعدة منكم .... يا بنات الله يسعدكم اللي عندها حل لمشكلتي الغريبة تساعدني ولو قلتو ريجيم صدقوني اللي يعملو ريجيم وحتى لو قاسي ياكلو غالبا أكثر مني والغدا ياه من زمان ما اتغديت ونادر ما اتغدى بالبيت ... احيانا اروح الكافتريا وأنا بالعمل اتغدى واترك الصحون مليانة ما كأن أحد لمسها وارجع البيت لو دخل شي بطني فهو عصير أو ماء أو حبة أو ثلاثة شوكلاتة جلاكسي وقليل ما يحصل هذا الشي ... يعني مو معقولة حبتين أو ثلاثة جلاكسي جواهر يعني قطعة صغيرة كل يومين أو ثلاثة أيام هي اللي تسمني ... وبالعمل أتحرك كثير ... طيب ليش ما ينزل وزني ... حتى الإفطار نادر ما أفطر والعشا لو اتغديت بالشغل غالبا ما آكل بالبيت حتى مطاعم الوجبات السريعة صايرة قليل مرة ما أدخلها أو أشتري منها عكس زمان كنت كتير أروح ليها وكمان والله أنا أحب المثلوثة ولو صار الصحن أمامي زي اليوم أحمل هم متى أخلص منه استغفر الله العظيم ما أشتهي النعمة ويادوب كم لقمة واترك الطبق مليان كأن ما أحد لمسه حتى زوجي زعل وقالي بالله إنتي تمزحي تقولي أكلتي خلاص وين أكلتي الدجاج تقريبا ما لمستيه والأرز مليان بالطبق وأنا أصلا أقول للشغالة تحطلي ربع دجاجة من الصدر وبصحن صغير وتقلل الأرز ومع ذلك ما اشتهي كم لقمة وخلاص
بنات اللي تعرف السبب تقولي الله يسعدها دنيا وآخرة ليش نفسي غالبا مسدودة طبيعي عن الأكل حتى اللي يعملو ريجيم أكثر مني وينزلو أكثر مني ويادوب أنزل كيلو أو اتنين ونادر تلاتة وبسرعة يرجعو ... بجد نادر ما آكل زي العالم وتقريبا كل يوم بس وجبة وحدة بسيطة ومع ذلك وزني ما ينزل ويثبت على حاله بالنزول بجد كرهت الميزان وصرت أوزن بالبيت كل يوم أكثر من مرة وسوست وأوزن بالشغل ونفسي أكسر ميزان الشغل والبيت بس إيش ذنبهم ليش كدا يحصل معي في أحد داعي عليا ولا عين ولا إيش ... في أخوات هنا يقولو مشكلتي نفسي دايما مفتوحة للأكل والشوكولاتة ومش عارفة إيش أقول ... ربي يسعدهم هادي مشكلة عندهم ... النفس المفتوحة مرة زي نفسي زمان مشكلة ... السمنة مو كويسة والله كلامهم يضايقني عشان سيرة الأكل بس استغفر الله العظيم حتى الشوكولاتة اللي كانت روحي فيها صرت استغفر الله العظيم نعمة ربي .... معقول قرار السفر والقلق اللي أنا فيه هم اللي عملو معي هذا المشكلة بس لو النفس المسدودة غالبا تنزل وزن كتير كويس لأني دحينا محتاجة أنقص على الأقل 20 كيلو وبعدين أنقص لحد لما أوصل لوزن 65 عشان يكون مناسب لطولي مع العلم أنا وزني بالتسعينات نفسي أطلع منها لا أزيد ولا أنقص كتير ... الحمد لله على كل حال
بنات الحمد لله عملت تحاليل وصحتي بفضل ربي كويسة تتوقعو المشكلة نفسية وفي وحدة عندها نفس مشكلتي ... نفسها غالبا مسدودة عن الأكل ومع ذلك ما تنحف .... يعني لازم نمشي كل يوم أو يومين ساعة طيب وين الوقت ... بنات اللي عندها نفس مشكلتي تذكرها عشان نشوف لنا حل
dalia.dream @daliadream
عضوة فعالة
يلزم عليك تسجيل الدخول أولًا لكتابة تعليق.
وحاولي تتخلصين من هالاكتاب وارضي باللي ربي اكتبه
حاولي تكثرين من قراءة القران
وادعي ان ربي يكتب اللي فيه الخير
حاولي تكثرين من قراءة القران
وادعي ان ربي يكتب اللي فيه الخير
أختي غالير الله يسعدك دنيا وآخرة ويوفقك في حياتك ويرزقك اللي تتمنينه ... فعلا أنا نظامي ملخبط ... يمكن قلة الأكل بحد ذاتها مو حل للسمنة ... لازم يكون في وجبات مساعدة عشان حرق الدهون ... حركتي بالشغل والبيت نادر ما أتحرك فيه ما تكفي لوحدها لحرق الدهون ... بس إيش أعمل والله لو الحيض ما جاني هادا الشهر الحمد لله كان فكرت إني حامل ... غالبا أحس إني ماني طايقة أشوف الأكل استغفر الله العظيم .... بس لازم أحاول وفعلا مافي أحسن من القرآن الكريم والله هو اللي يريحني نفسيا .... بكرة بشتري شريط جديد لسورة البقرة وبشغله كل يوم بغرفة نومي وبقلل النسكافيه والكافيين أنا أشرب فنجان أو اثنين باليوم أو أحيانا مع عصير بس بخليه فنجان واحد وبركز على الوجبات اللي قلتيلي عنها .... ومشكورة أختي الغالية على ردك ونصائحك الثمينة
الصفحة الأخيرة
ماتفطرين ماتغدين ماتتعشين ؟
شلون تبين تنحفين ؟
حبيبتي لازم بين كل وحبه كبيره والثانيه ست ساعات و ووجبات خفيفه بعد
ولا احلمي تنحفي ّ!!
انا نجربت ظام الوجبه الوحده ولانفع ابدااااااااااااااااااااااااااااا
نصيحتي لك ؟؟
سوي يوم من نوع واحد بس يعني يا بروتين يا فواكه يا خصار يا زبادي يا عنب يا بطيخ
وانا انصح بالخضار او العنب
بس يوم واحد او يومين
عشان ينظف بطنك
بعدين
ابدي فطورك بكاس قريب فروت واناناس
وكلي وجبه فطور زي الناس وروحي العمل
قللي من الكافيين
والشكولاتات اقطعيها
ووجبة العشاء كليها قبل النوم بثلاث ساعات
واذا وجبة الغدا ماتشتهينا كلي بدالها اناناس
و يارب اكون نفعتك بالرد
ادعيلي :)