الله يسعدكم تعالو موضوع يخص بنتي ومدرستها

السلام عليكم...كيفكم ان شاءالله بصحه وعافيه
بنات بقولكم بنتي ثاني ابتدائي مدرستها زباله
وانتو بكرامه...تخيلوا حمامات وصخه ماتندخل
الريحه والوصخ يلقاك عند باب الحمام من برى
معقمات مافيه مناديل مافيه صابون مافيه
ديتول ف الحمام مافيه
والاعظم والامر مكيفات ف الفصل مافيه يابنات
خربانه تطلع هواء حار ع البنات
يعني الكورونا منتشر واطفالنا يداومون يوميا
في هالجو الوصخ المتلوث...


زبدة الموضوع بنروح انا ومجموعه من الامهات للمديره نكلمها تشوف لنا حل...وطبعا من الحين
انا غاسله يدي لان المدرسه من العام وهذا وضعها
الحين بقولكم الي فكرت فيه وعطوني رأيكم
فكرت اجمع مبلغ من الامهات واشتري احتياجات
النظافه..ومن طالبات فصل بنتي مبلغ ونركب مكيفين
لفصل بنتي...وبعلم المديره بهالكلام وبخلي زوجي
يتفق مع الحارس ويدخل هو وياه والعمال يخلصون
اش رايكم......لاني عارفه بتقضى السنه وحن مثل وضعنا...
بعضكم بتقول مالكم شغل والوزاره مسؤله طيب
الوزاره راضيه تشوف بناتنا يمرضون وهم تحت المكيفات وفي اماكن نظيفه وعادي عندهم
انا قلت المبلغ نحطه في بناتنا يبقى لهم طول العام
نعتبره صدقه لوجه الله ثم مصلحة بناتنا وراحتهم..
لانحن تعبنا نشتكي ونراسل المسؤلين على تويتر
ومافيه فااااايددددددددده تعبنا رحمنا بناتنا وحالتهم


بس باقي شي محيرني عاملة نظافه مافيه ف المدرسه
وش الحل اذا رفضت المديره تجيب عامله للحمامات
المقرفه......
عطوني رايكم في كلامي
المدرسه بالرياض حي المنصوره 65 الابتدائيه
حسبي الله ونعم الوكيل