%الله يسعدكم دلوني ولا تردوني%

انتي عطريه واشتري له اللي يعجبك بعدين حطيها في يوم ع السرير واكتبي : ساكون سعيدة اكثر حينما اراها عليك .. او من هالقبيل
واتمنىى بنات جده يساعدونك بالنسبة للمحلات

يا قلبي انتي

بالنسبه للمحلات الرجاليه

روحي الكورنيش والمحمل تلاقين عندهم بيجامات ساتان روعه

اشكال والوان طبي واختاري

كمان سيتي بلازا عندهم اشياء رجاليه تزنن مره

شورتات مره قصيره للبيت وحركات حلوه

شوفي انتي بدون لا يشعر اول مايجي للبيت

حضريله الحمام وقوليله حضرتلك الحمام يلا حبيبي

ادخل خذلك دش <<< هو عاد بيفهمها

انتي اشتريله من بودي شوب مجموعه يتحمم فيها

واول مايطع من التواليت خذي بخاخ الجسم

ورشي عليييييه <<< يعنننك تدلعينه وتهتمين فيه

وتكوني طبعا مجهزه البجامه ولا الشورت ولبسيه انتي بنفسك

حاولي بذا الاسلوب تعودينه

انه اول مايدخل البيت على طول يتحمم

ويتعطر ويلبس وانتي اشرفي عليه لين يتعود

يارب يوفقك انتي وزوجك ويسعد قلبك طول العمر

تدرين والله ضحكت يوم كتبتي
ولا يلبس غير السروال والفنيلا وهي اقصى شياكته لي

بس تدرين والله عندنا وعندج خير
لما انا كنت مصره
تدرين شسويت
بهذلت حالي
قمت ما البس قميص نوم حلو
شغل عناد يعني
لان الكلام ما يجيب نتيجه معاهم

ولما طقت جبده قالي شنو هل ملابس الي تلبسيها تشيكي واكشخي انا حبيبك عندك
قلت له وانا ماعندي احساس
ولا لي خشم اشم فيه العطور الحلوه
ولا لازم تبي الممارسه تكون خبط بلزق
شوف نفسك وشوف لبسك لا طلعت عند ربعك تكشخت ولا من جيبت البيت بهل فانيله الله يعيني عليها

عاد من يومها قام يتبخر ابو الشباب ويتعطر ويكشخ
ولا بعد ياخذ رايي اي عطر يعجبج احط لج

لكن هل حاله طولت معاي يعني تقريبا اسبوعين وانا قمه العفسه وملابسي لو تشوفيهم تقولين هذي تحل عليها الصدقه
لكن ما يجون الا بالعناد
من قبل وايد تكلمت معاه يكشخ يوم وسنه لا
لما جربت هل شي ياله جبت راس معاه

هذي عن تجربتي

وانتي بتجربين نفسها كيفج
لكن نصيحه مني والله لا تشتريين له ملابس داخليه
خالتي كانت جذي
وهي بعد كانت تكشخه وترتبيه وهو كان والله ما يعرف يلبس لبس عدل وذوق ما عنده باللوان
وخالتي عدلته ورتبه خلته يهبل
ولما كشخ وتسنع راح شاف غيرها
وهي ياحسرتي عليها تندمت على الساعه الي عدلته فيها