الله يسعدكم سااااااااااااااااااااااااااعدو ني

السلام عليكم بنات حواء
كيقكم مع هادا البرد يااهل الشرقيه؟ عساه يعدي بسرعه واحنا وعيالنا بخير
المهم حبيباتي ابغا استشيركم في موضوع بالمره هادي الفتره شاغلني وموترني جدا
الموضوع بنتي ودراستها
تولين حبيبتي عمرها 4 سنين وكم شهر يعني المفروض تكون روضه ثاني والسنه الجايه تمهيدي
طيب وين المشكله ؟
المشكله اني ابغا مدرسه تكون ممتازه
انا ابغاها تدخل الحصان العالميه بحكم انها معترف بيها من قبل الوزاره ولكن المشكله اني رحتلهم على اساس اسجلها للفصل الجاي رفضوا وقالوا التسجيل في شهر 2 ميلادي للسنه الجايه( هادي السنه خلاص راحت عليها)
المشكله الاكبر انهم رح يختبروها في شهر 5 ميلادي وادا ماعدت في الاختبار ماتتسجل عندهم

طيب انا اتكلمت مع وحده هناك بولنديه والصراحه مااعطتني وجه عن كيف الاختبار يجي
كل اللي قالته اختبار عايدي يشوفوا مدى ادراكها للانجليزي والحق انا خايفه لانو تولين عمرها مادخلت روضه قبل الان بس اني انا في البيت احفظها السور القرانيه القصيره

طيب بعد ماشافتني مصره على اني اعرف نوعيه الاختبار قالتلي اش رايك تسجلي بنتك للترم الجاي اما في
النيووورلد العالميه او ستيب باي ستيب او اوربت
رحت اليوم للنيووورلد وقابلت الاخت مها المسؤله عن تسجيل الطلاب قالتلي بالحرف الواحد
ممكن نسجلك اياها للترم الجاي ادا فضيت مقاعد( يعني في طلاب انسحبوا)
بس شوفي يامدام اكثر من الروضه هادي السنه والتمهيدي للسنه الجايه مارح ندخلها ( السبب مافي اي مدارس عالميه معاها موافقه من الوزاره غير الحصان ومنارات الشرقيه )

انا والله يابنات حيرانه حيره مايعلم بيها الا ربنا انا ابغاها تكمل في مدرسه عالميه للابتدائي ومني عارفه

عندي الان مجموعه اسئله واتمنى ماتقصروا معاي
1- هل افضل نيووورلد او المدار او ستيب باي ستيب؟
2- كيف اسلوب الاختبار مع بنتي في الحصان تتوقعوا او تعرفوا؟
3- اش رايكم في خيار رابع اللي هو اكاديميه رحيمه اللي في الفيصليه ؟
4-طيب لاقددر الله ماعدت في الاختبار اش الحل( انا بالمره نفسي في مدرسه عالميه)؟
5- اش وضع مدارس منارات الشرقيه وهل هي افضل من الحصان ؟ طبعا اقصد العالميتين
6-ادا دخلت بنتي الحصان العالميه بناء على انها عدت في الاختبار وبعد كدا لاقدر الله ماقدرت تمشي في سنه اولى اوثانيه هل اقدر احولها لمدارس التعليم المطور واش افضلهم؟


اتمنى تردوا عليا