الله يسعدكم ساعدوني بنتي عمرها 9 شهور و ما تحب الأكل

السلام عليكم و رحمة الله و بركاته
عزيزاتي و حبيباتي أرجوكم ساعدوني و أنصحوني أيش أعمل !!!
بنتي عمرها 9 شهور و من هيه تقريباً عمرها أربع شهور و أنا أحاول أذوقها كل شي لأني أعرف إنها ما تحب أي طعم جديد غير حليبي
لأني تعبت معاها و أنا أحاول أعطيها مختلف أنواع الحليب الإصطناعية كمساعد جنب حليبي من يوم ما أتولدت لكنها ترفض رفض تام حتى حليبي في الرضاعة ترفضه ( مرة مزاجية )
و هي لما أتولدت كان وزنها 2950 جرلم و طولها 47 سم و الآن وزنها 7.2 كيلو و طولها 70 سم
و دحين كل اللي يشوفها يحسبها عمرها 5 أو 6 شهور:29: لأنه حجمها صغير و دحين هيه تلبس لبس ال6 شهور يعني جي على مقاسها بالضبط
أنا خايفة عليها ما تكبر لأنها ما تاكل :06:
أحاول أأكلها لبن زبادي، خضار مسلوقة ، حتى أحاول أذوقها من كل شي من أكلنا لكنها مررررررررررة تقرف و تبكي :11:
تخيلوا قبل كم يوم حطيتلها بيض في فمها بكيت و عصبت و شوية البنت نفسها غاب لمدة 8 ثواني و وجهها سار لونه أزرق و أخضر و موف و من يوم ما طاحت اللقمة من فمها ما كأنو كان في شي:44::(

حبيباتي الله يخليكم بخبرتكم فيدوني كيف أتعامل مع بنتي و إحببها في الأكل :23:

معليش طولت علكم و سامحوني على اللخبطة في الكلام

و السلام:42: