الله يسعدكم ساعدوني محتاجتكم كثييير

صباااح الخير بناااات الي عندها خبره في تربيه الاطفال تشور علي والله محتاجه نصيحه تريحني
عندي ولد عمره 9 سنوات طبعا هو الكبييير بس متعبني الله يهديه ..




مشكلته اول شي يحب يقللللد اي شي ..خصوصا ناس معييينه زي مثلا ولد اختي اكبر منه بسنتين يعني والاولاد الي بهذا السن رغم دايم افهمه انو انت لازم تكون لك شخصيتك ولك استقلالك بس لا يقلد سواء بالصح او بالغلط بس ذي المشكله تقريبا خفت عن اول كثييير ...







الشي الثاني يكذب كثثثييير رغم اني والله حتى لو غلط بس لمن يصدق ما اعاقبه ولا زعل بالعكس اوضح له انو الشي هذا غلط ولانه كان صادق سامحته بس الفتره الاخيره يكذب ويحلف من كثر الحلف اصدق بس اتفاجا انه يكذب وبصراحه اضربه عشان يفهم انه كذب واخذ عقابه وواوقات اجلس احقق من هنا ومن هنا وبطلاع الروح يقول الصدق بس اعصب عليه اقوله لانك ماقلت الصدق من البدايه لاني والله تعببببت ....





الشي الثالث ...
يبكي على اي شي يعني اكون عند اهلي يبغى يطلع الحوش واقول لا يبكي بطريقه مستفزه تخليني اشد واقول لا بس بعدين من كثر الزن اخليه يخرج .
يحب النق كثييير على اي شي لمن ياخذ ودايم افهمه انو النق مارح يجيب له شي بس مايفهني خلاااص عاده فيه ...



الشي الرابع ...
مو حاااس بقيمه اهله والشي الي يسوووه عشااانه
يعني وضععه احسن بكثييير من الاطفال الي حواليه يعني العابه من احسن الاماكن عكس الي الي عنده يسافر ويتمشى افضل الاماكن ...
بس مررره اهلي كانو مجتمعين مع بيت عمي باستراحه ويومتها احنا مارحنا زعل وبكى ويقول احنا حياتنا بائسه وياريت انا من عايله ثانيه ولمن اجي واقوله انت رحت ورحت يعني افضل من وضعهم بكثييي بس مايحس صح ممكن عشان الجمعه والمه بس يعني رحتا مره معاهم وجرب بس اصلا اكره انا الخرجات منه يجلس يبكي يبهذلني يبغى يسبح وانا اخاف عليه اخليه بس خلاص مو كل مررره يعني لمن نخرج ونسافر يفرح وينبسط بس مجرد مايصير موقف ممكن واحنا بنفس السفره ما مدانا نروح المكان الفلاني يجلس يتذمر ولايعجبه شي وينسى الي سوناه بلحظه




لاتقولوا صغييير كبيير بسنه يفهم ويقدر



بالنسبه للايباد احنا ماشريناه على طول بحكم زوجي كان خايف على نظرهم وعقووولهم وعيال اختي معاااهم وعيال اخواني وكان يطفشني وكنت والله احاول مع زوجي وكااان رااافض ال ان اقتنع وجابه وش صار الي صار انه 24 ساااعه عليه بعدين صرت ما اطلعه الا وقت الاجازه خميس وجمعه بس في البدايه بعدين صار عادي واصلا انكسرت الشاشه هو مرمي الحين ،،،





في كل شي مستعجل حتى بالتجميع ما يحب يجمع 5 او عشره لا يبغى 100 او 50 ويروح يطلب من جدتته بس مو دايم تعطيه او بمعنى اصح تعبت معاه






الحين طالع لي طلعه في الكوره طبعا قبلها كان متعلق بلعبه ماين كررررافت وحذفتها لنه ادمنها ونسيها الحمدالله بعدين المصارعه وكنت اخاف عليه يتكسرررر لانه يقلد ويرمي نفسه على الكنت
الحين طلع لي بالكوره والتشجيع قي البدايه قلت افضل من المصااارعه بس صااار مررره متعلق ويشجع متعصب للاتحاد ليه لانه يقلد ولد اختي بالبدايه بعدين صار ادمااااان ...


الصلاه كمان يعني لازم انا اقوله قوم صلي ويصلي على السريع كمان بس انا انببه عليه ونفس الوقت اقوله هذي الصلاه لك انت انت الي بتستفيد بس اوقات اقوله عيدها واوقات ما ابغاه يكرها وطبعا انا بمنطقه ما اقدر اخليه يروح لحاله اخاف عليه ولانه بصراحه ما يعطيني الصدق ...




طيب تقريبا هذا كل شي ويمكن ناسيه شي كمان بس الى يوم الجمعه انا خلااااص تعبت وعشان كذا كتبت الموضع طبعا بتقولوا وينك عن هذا كله بالعكس انا منتبه عليه من هو صغييير بس هو يحب اللعب بصوووووره جنونيه يكون لي مواقف معاه اذا سواى شي بس يتعدل ويرجع هذا وبنفس الوقت اقول ما ابغى اشد عليه وابوه تعبني لانه من هم صغار اقوله شد يقول لسع صغار الحين الي صاير ماتحملهم ولاهم تعودا على اسلوب ابوهم بالشده ...


طبعا غير انه مو نظامي يعني كل شي له ضايع من اغراض مدرسه وملابس وشراريب وربي مبهذلني بس انه مشالله عليه ذكي وفوووووووق هذا كله
حنوووووووووووووووون لابعد درجه حبيبي يعني ممكن يزعلنا بس غصب عني ارضى له من اسلوبه واحزن عليه



لس من يوم الجمعه انا تعبت اشتر بدله الاتحاد الجديده ومايبغى يفصخها تعلق مررره بالاتحاد هذل ولمن انا سحبتها منه وقلت برميها وزعلت منه وما كلمته قال لابوا بشيل عفشي وبرووح كله عشان البدله المهم انا ماكلمته يعني برسميه اكلمه وثحي الصباح وسيييده على ابوه ويقوله كلم ماما تعطيني البدله يعني ماهمه زعلي وفهمته انو انته اهم شي عندك البدله ويمكن بيراضيني بس عشان البدله ذي وفهمته انو لمن تتغير وتصير رجال انا بعطيك ايها بعدين قال خلاص طيب قلت مو الحين بعد شهر شترين لمن احس انك صح تغيرت اوكي اقتنع وبدا يحاول يراضيني بس المشكله اليوم مباراه الاتحاد والهلال وهو مره متحمس وانا اقوله بكره عن،ك دوام لازم تنام بدري وانا والله عشانه متعصب بزياده مره خسر وبكى كيف اخليه يكون عادي مايتعصب هو اصلا طبيعته كذا حتى لمن نسوي مسااابقه يتحمس واذا خسر يبكي ،،



طبعا هو بمدرسه عالميه وهو يحس نفسه مضغوط مره عشان الي عنده عيال خالاته وعيال اخواني حكومي وعاد انت عارفين كيف الحكومي مافيه ظغط




اما سالفه انه يضرب اخته شي ثاني اخته اصغر منه بسنه



والله دايم ادعيله بسجودي وبصلاتي واحب احمله مسوليه واعطيه فلوس بيده عشان يحس انه كبييير بس هو مبذررررررر ومايرتاح ريال بجييبه ...



ممكن بتقولوا من الدلع بالعكس مافيه هذاك الدلع بس هو كذا طبعه بس اخته نفس الشي ونفس الي ناخذه له ناخذ لها بس مشاء الله عليها عاقله




بنات انا عارفه موضوعي طويل بس احس ابغى اوقف موقااااادره تكفون ردوا علي وخصوصا عشان المباراه الي اليوووم


بليييز الي عند طفل زي كذا تقولي كيف تتعامل معاه
وانا من امس معاقبته ماينزل تحت يتفرج او يلعب بالتاب حق عمته بس التلفزيون عادي انا ماحبيت اضيق عليه مررره وامش كما شغلته شوي في البيت ....
وياااااارب يهديه على الطريق المستقيييم ...