الله يسعدكم ضروري تتدخلون عشان ولدي..

الله يشفية ويعافية يارب، وصحيح اذا كان نقص د حاد يسبب تساقط استمري بالفيتامين بشكل منتظم ، وعطية مكملات غذائية من الصيدلية اذا كان اكله مو صحي مثل بودرة بدياشور بالتشوكلت مع كوب حليب لذيذ جداً وكلة فيتامينات 💓 وبعدها شوفط التساقط اذا وقف او باقي يتساقط وأقري سورة البقرة حل لكل حاجة 🌹

صححي نظام اكله وبيتحسن كل شي وخلال فتره بسيطه بإذن الله
حرام توه 10 سنوات واكله غير صحي لدرجة ان مخزون الحديد عنده ناقص
ولا تشيلين هم الشعر شيلي هم صحته وعافيته لان نقص مخزون الحديد خطير
ما اقول هذا الكلام عشان اخوفك لكن ولد صغير بمرحلة نمو جسمه يحتاج حديد وفيتامينات ومعادن وهو ناقص مخزون الحديد بجسمه ممكن تجيه آثار سلبيه يتعب ويمرض ويجيه ألم بصدره ودقات قلب سريعه وصعوبة تنفس حتى استيعابه بالمدرسه بيكون ضعيف وماعنده طاقه مثل اللي بعمره هذا غير وجع العضلات والشعور العام بالارهاق والتعب
نصيحه يا اختي اهتمي بتغذية ولدك وافضل وقت لتغذيته الصباح على الريق لان الجسم يكون صايم ويمتص كل المغذيات بشكل افضل واسرع
جربي اعطيه عصير الشمندر بالبرتقال والتفاح المعصور بالبيت طازج خليه يشربه على الريق يقويه ويرفع الحديد بجسمه
ثم سوي له فطور كبده وحطي جنبها جرجير
وشجعيه ياكل كيوي مره او مرتين باليوم لان فيه فيتامين سي عشان يساعد جسمه يمتص الحديد اللي بالاكل
وشجعيه ياكل مع الوجبات طبق صغير سلطه مثل التبوله بالبقدونس والكزبره افرميها ناعم بمحضرة الطعام مع عصير ليمونه وملعقه صغيره زيت زيتون وطماطم وخليه ياكله
وخذي زبيب اسود تقريباً 15 حبه + ملعقه كبيره سمسم ني انقعيها بنص كوب ماء فاتر من الليل ثم الصباح حطيها بمحضرة الطعام وافرميها ناعم وخليه يشربه وممكن تضيفين له نص كوب حليب عشان يتقبل يشربه
او ممكن تشترين عسل اسود وتعطينه ملعقه مع الفطور وملعقه قبل النوم مخففه بنص كوب مويه
واهم شي اقنعيه انه قبل وبعد الاكل بساعه ممنوع ياكل او يشرب اي شي يحتوي كافيين مثل الغازيات والقهوه والشوكلاته لانها تعيق الامتصاص للاسف
ولو يتقبل المشروب الاخضر بيكون افضل علاج لحالته المشروب عباره عن سبانخ وكرفس وكزبره وبقدونس يعني ورقيات خضره نوعين او ثلاثه بحجم قبضة اليد من كل نوع + خياره صغيره + عصير ليمونه + ربع كاس ماء واضربيه بالخلاط الى ان يصير مثل العصير ويشربه يومياً على الريق بيساعده يرفع نسبة الحديد ويتغذى جسمه فيتامينات ومعادن
وتقدرين تنوعين يوم عصير الشمندر واليوم اللي بعده مشروب الزبيب بالسمسم واليوم اللي بعده المشروب الاخضر


واذا ارتفع مخزون الحديد وتغذى جسمه زين بالفيتامينات والمعادن بيرجع شعره يتحسن ويقوى

كلام عواطف عين العقل الله يسعدها