الله يسعدكم طمنوني..

ويييييين متاخر تدخلين عليهم في التاسع
بيقولون مابقى الا يوم الولاده روحي اقرب مستشفى في حارتكم
انا اعرف الاسعاف له صلاحيه يدخلك اي مستشفى حكومي بس انتي لازم تكونين مراجعه عندهم من قبل
اما الولاده ماعرف
واذا انتي قصدك ماتبغين تدفعين تكاليف الخاص
وقت المخاض روحي اقرب مستشفى حكومي انتي حطي ببالك كم واحد قريب
عشان ماتولدين بالسياره😂
وروحي لهم فقط وقت الولاده

نسيت اقولك بيدخلونك طوارىء ويولدونك وتطلعين بس تكونين طوارىء

وعليكم السلام ورحمة الله وبركاته
الله يقومك بالسلامة يارب
الولادة طبيعي ولا قيصري الدكتور اللي يحددها مو انتي الحكومي يصبروا عليكي بعدين يقروا حسب حالتك الصحية وحالة البيبي لكن الخاص تدفعي يولدوكي قيصري اللي تبغيه انتي مع توقيع ✍️ اقرار انك اخترتي ذا الشيء بنفسك بعدين على المراجعة تفتحي ملف في المستشفى حكومي وعادي تقدرين تراجعي عندهم الله يسهلك امرك ويقومك بالسلامة يارب.

على حسب وضعك
الراس فوق او الطفل مقعدي
اكيد قيصري
بس اذا تفكرين بقيصري وامورك سليمه ماتحتاج قيصري
روحي اقرب مركز صحي خذي منهم تحويل للمستشفى الحكومي
قولي لها حملي عزيز وابي اراجع بمستشفى
واذا عطوك روحي لهم عشان تبدين تقنعينهم بالقيصري ويعطونك الموعد






حنا الحين المفروض قيصري الراس فوق ومسويه ربط واراكض وراهم ابي موعد للعمليه مايعطوني
لين انفتح الرحم وجاني الطلق وانا مسويه ربط🥲🥲
بغيت اموت وينفجر رحمي
بس الله ستر علي
يعني يبيله مراكض القيصري وياخذ وقت عشان الموافقه


اما اذا جاك الطلق والراس فوق على طول بيدخلونك عمليات بدون مواعيد وتحويله






والله يتمم لك ولنا على خير

جزاكم الله خير..