انا بالرياض واهلي من المزاحميه
المزاحميه تبعد عن الرياض 35كلم يتبعها قرى اخرى لأن المحافظه كبيره على فئة ب مثل الخرج بس اصغر شوي ويتبعها مراكز وقرى مثل (نساح , الغطغط , شخيب , المشاعله ) وفيها للتنزه البري مثل (روضة الخراره , المحليه, نساح , خشم زبيده)
وبينهم جبال طويق >>اوخس جغرافيا , وويسمونها (القديه) وهي طلعه او نزله عاليه وفيها انوار توهم مركبينها وفيه ناس يخافون من النزله او الطلعه لكن اللي يتعود مايخاف ومافيها شيء يخوف
المحافظة متطوره كل شيء فيها من (سوبر ماركت فيها كثير , صيدليات كثيره, مكتبات كبيره وكثيره , مكاتب تصوير وطباعه , محلات حاسب آلي فيها 5 او 6 , محلات الانصالات , مخابز , حلويات ياكثرها , فيها سوق تقضية حاجات
يعين مستلزمات شخصيه زي طيبه وطقتها بس السوق مو متطور ,واذا بغيتي لبس او شيء الرياض قريبه نصف ساعه وتشترين
اللي تبين , فيها محلات عطور كثيره مثل (نكتار, درعه , وغيره,,) فيها مشاغل كوافيرات وخياطات وفيها خياطين , فيها خياطين رجال )
وفيه مدارس حكوميه متطوره وبانين لها من 3سنوات مباني خاصه فيها كبيره وجديده ومتطوره وفيها بنات كثير ويوجد( 6مدراس حكوميه للبنات من ابتدائي لتوسط لثانوي الابتدائيه مستقله )
ويوجد 4 مدارس للاولاد ابتدائي ومتوسط من غير المدارس الموجوده بالقرى التابعه لها , ويوجد ثانويه واحده كبيره للاولاد..
وفيها مدارس اهليه للبنات وللاولاد من الصغار للكبار وفيها روضه حكوميه وروضه اهليه وتمهيدي اهلي
فيها كلية بنات تابعه لجامعة الاميره نوره بنت عبدالرحمن اكثر اساتذتها ودكاترها من الرياض ,,
فيها فرع لجامعة الملك سعود لسه ماخلص المبنى لأن تابعه سكن ملحق للطلاب
فيها بيوت كثيررر وعالم كثير والبيوت فيه بيوت حلوه واحياء راقيه , وفيه بيوت عاديه واحياء عاديه , وفيه بويت قديمه واحياء شعبيه
فيها شقق للإيجار وفيها ادوار وفيها فلل كامله على حسب التوفر
الشقق فيه بحي الهدا والعليا والمروج
وفيه شقق مفروشه يمكن 5
احسن الأحياء اللي فيها بيوت زينه ( حي العليا وحي الهدا وحي النادي اللي فيه نادي المزاحميه )
فيه حي عادي وتلاقين فيه البيوت العاديه والفخمه مث حي الاندلس مو جديدويختلف بس مرتب الحي
كمان فيها مزارع في جهات خاصه للمزارع تقع المزارع في مخططات مثل مخطط الشلال , مخطط الربيع , مخطط الوسيله ون , مخطط الوسيله 2,
كمان فيها شاليهات واستراحات >>اذا تبون تطلعون ايجار يوم ويومين واسبوع واللي تبين
فيها شركة الاتصالات السعودية , شركة موبايلي
وفيها فروع الوزارت (فرع الزراعه , المياه , الكهرباء , البريد , الغرفه التجارية )
يقيمون فيها حفلات وعرضات ومسابقات في الاعياد
والشوارع منظمه ومنوره
والمجينه آمنه والناس يخافون على بعضهم
بس المشكله فيها ناس يفحطون هههه بزران توهم متعلمين السواقه
**بالنسبة للناس معاملتهم كأنك بالرياض بس تختلف شوي عن قبل اول كانوا الناس يزورون بعض بدون مواعيد وبأي وقت لو كل يوم اتذكر يوم كنا صغار الحين تغيروا (يعني الزياره لها مواعيد) ويحبون الكشخه خخخ>>>امزح حبيت اضيف جو
والله يحييك وبتنورين ولاتخافين ولايضيق صدرك بالعكس يمكن تستانين خاصه اذا تعرفتي على جيران كويسين
وفهيا مكاتب عقار ممكن تروحون لاحدهم يدور لكم شقه او سكن كويس ومناس بوالايجارات من 9000ريال إلى 16000 اذا دور صغير او شقه واذا بيت كبير دورين من 17000اى 21000ريال وطبعا تكون كويسه وزينه وتشطيبها ديلوكس مكس
اي معلومات زود ابشري
******
كتبت الرد بعدين شفت ردك فو ق اثرك استأجرتي ماشا ءالله منوره وياهلا بك ومرحبا واذا جيت اهلي بقولهم يذبحون لك ذبيحه هههه تستاهلين
الزي المدرسي الابتدائي شيال رمادي وحته قميص بلوزه بيضاء بس تأكدي وروحي عشان تشوفين
الصفحة الأخيرة
الله يسعدكم ولا يحررمكم الاجر
ماقصرتو والله ريحتوني وطمنتوني الله يطمنكم
والمزاحمية منوره بأهلها الله يسعدهم
رحت لها من كم يوم واستاجرنا بحي الاندلس شقه بعماره جديده وحليوه والله
بس للحين ماحد سكن فيها ادعولي ربي يرزقني بجارات عسولات مثلكم
وعندي استفسار الله يسعدكم
حبيت اسالكم عن مراييل الابتدائي بنات
وش لونها وهل لها موديل معين والا عادي اي شي