الله يسعدكم ياطباخات عالم حواء سااااااااعدوني

يالبى قلبك حبيبتي

شوفي ترى انا مو طباخهولاقد جربت اسوي زي قاتوهات الكوفيهات

بس سوي له التشيز كيك سسسسسسسسسهل مرره ولذيذ وله طررق واشكال كثيرة

وهذي الطريقة لبنت ابوها مدحتها جربيها


وانا نسخت كلامها

تفضلي

تنتراااااااااااااااااااااااااا اااان


=== طريــقـــه الشيز كيك ===


طبعا تسونها بماعون الشيز كيك المدور .. انا اللي استخدمه حجم متوسط

الطبقه الاولى

*بسكوت ميري (هذا بسكوت من شركه المطاحن الكويتيه .. وهو بختصار بسكوت شاهي << على قولتكم )
* قالب زبده (اسيحه بالماكرويف او بحمام مائي )

يعجن البسكوت مع الزبده ويفرد بالماعون



الطبقه الثانيه

* 4 بيضات (يضاف اليها نقطه خل او ذرات فانيلا بودر << عن الزفره )
* 4/3 كو سكر (كأس جبن كرافت )
* 12 حبه جبن كيري
* 1 كريمه حامضه (سور كريم )
* 2 ملعقه اكل هرميه طحين

يضرب البيض اول شي مع الخل او الفانيلا .. ثم تضاف باقي المكونات .. وتعجن .. وتصب فوق البسكوت .. وتدخل الفرن

لا تسئلوني شكثر نحطها بالفرن لاني اعطيها الخادمه وهيا تذبط امورها مع الفرن



الطبقه الثالثه

حطي اي تزين تبينه

مرات ازين بالتوفي وصوص كاكاو
التوفي (4/3 كوب سكر + ربه اصبع زبده + نص كوب كريمه خفق )


ومرات اشتري التزين الجاهز المعلب بالسوبر ماركت ( بلاك بيري ) << بلاك وليس بلو .. الازرق مرر الاسود احلىى

على كل حال .. كل التزينات كانت ناجحه معاه

...


وهذا بعد لهااا

حلوو الكابشينو


وااااااااااااايد احبه لانه لذلذ وسهل << لاحظوا انها تحب السهل لووول كسوله !

المقادير

4 قيمر kdd ( اي قشطه او قيمر متوفره مو شرط kdd )
1 حليب نستله المكثف المحلى
4 اكياس دريم ويب
1 كوب حليب عادي
1 كيك سارلي فانيلا
1 بسكوت ماري ( لوول اياه اللي بطريقه الشيز كيك )
5 اكياس قهوة نستله الجاهزه (كابشينو) (( اللي تيجي بعلبه وفيها اكياس صغار داخل .. وفي منها انواع موكا وكابشينو وانواع ثانيه ناسيه ! )



الطريقه

يقطع الكيك ويصف بماعون زجاجي مستطيل (اعتقد يسمونه باريكس اذا غلط صلحوا لي لوول خووش طباخه خخخخ )
ويصف فوق الكيك بسكوت ماري او ميري << كلا نفس الشي

يخلط .. كوب الحليب العادي + 1 كيس كابشينو .. يخلط جيدا وننتظر 5 دقايق علشان تذوب البودره مضبوط .. ثم يرش على البسكوت << فهمتوااااااا ؟!

ثم يخلط (القيمر + حليب نستله + دريم ويب +4 اكياس كابتشينو الباقيه) << يخلط بالخلاط الكهربائي
ويصب فوق الكيك

يزين بقهوه النسكافيه .. و بــــــــس

.
.

اعذريني بس ماعندي وقت أدووور بروح اجهز السحور لأهلي

لي عووده ان شاء الله

مووفقه

الله يعطيك العااااااااااااااافيه ماقصرتي يالغاليه


مشكوووووووره



بانتظار بقية الردود

للرفع

انا مافهمت قصدك بالكريمه محشيه

لا تلوميني اختك اعليميه بس انا مره سويت كيكيه اختها من وحده من الاخوات مااذكر اي منتدى بس كانت لذيذه وطعمه وضبطت معي الحمد لله

هي كيكه عادي (مثلا كيكه العلالي ... الخ) او كيكيه انتي تضبيطينها وبالنص تكون حشوتها بسكوت اوريوووووو اذا ما مرت عليك فا هذي صورتها ومالمقادير والطريقه

المقادير
24 حبة اوريو
1/3 كوب طحين
نص اصبع زبده
1/3 كوب حبيبات الكاكاو
1 خليط كيك جاهز
3/4 كوب ماي او حليب
بيضتين
كوب سكر مطحون
4 م ص حليب

الطريقة
- سخني الفرن على 350 فهرنهايت
- كسري الاوريو -انا استخدم السكين لفرمه عشان ما يكون ناعم- و اخلطيه مع حبيبات الكاكاو و الطحين و الزبده .. و خليه على جنب
- جهزي خليط الكيك و صبي نصه في القالب و حطي عليه كوبين من خليط الاوريو و بعدين حطي باقي خليط الكيك و فوقه باقي الاوريو و رصيه في العجين
- اخبزي الكيكه لمدة 45 الى 50 دقيقة .. او الى ان تستوي
- برديها على الشبك لمدة عشر دقايق و طلعيها من القالب و رديها على الشبك
- خليها تبرد عدل .. خلطي السكر مع الحليب و زينيها مثل الصوره

و بالعافيه عليكم



ان شاء الله تنال على استحسانك واستحسان بعلك
ولا تنسينا من صالح دعاك