الله يسعدكم يا سنعات ساعدونيي

حبيبتي انا كنت مثلك بس اكتشفت بعدين ان العجينه حقتي خفيفه بزياده ولما اجي اقطعها بالملعقه لازم يكون جنبي فنجان قهوه فيه زيت عشان اغمس الملعقه فيه عشان العجينه ماتلصق في الملعقه

الزيت لي تحطيه كتير ولا قليل

لانه لازم كون الزيت كتير

طريقتي ياعسل
كاس وربع طحين الكاس الاول خلي مقدار الطحين فيه مثل الجبل زايد ممو تساوي الطحين بالكاس ان شاءالله فهمتي وصفي وكاس وربع مويه وملعقتين حليب بودره وملعقه خميره وضيفي حبه سوداء اختياري واضربيها بالخفاق وخليها تخمر نص ساعه -----الطريقه هذي اخذتها من اخت معانا في المنتدى جزاها ربي كل خير من اربع سنوات معتمدتها وعوافي على قلبك

أهم شي إن الزيت بالمقلى يكون كثير لإنه لو كان قليل ماراح تصير كور اللقيمات
والعجينة لاتخلينها سايله بالمرة وانتي تعجنين جربي كأنك بتلقمينها إذا ضبطت الكورة وانتي تطلعينها من بين أصابعك فمعناته عجينتك أوكي وإذا كانت سايله زيدي دقيق واعجني حتى تضبط

طريقتي:
أخلي العجينة وسط لا سايله ولا مرة ثقيلة
أحط صحن فيه زيت وملعقة صغيرة
وأبدا التلقيم بعد ما اتأكد إن الزيت صار حامي

مثل ماقالو الي قبل الزيت لازم يكون كثير عميق والعجينة تكون موسائلة لينة وموثقيلة وهاذي يبغالك تشوفينها عشان تعرفين دوري في اليوتيوب لانه ترى حتى اللقيمات الكراتين القياس حقها مو صحيح للموية انا دايم اقلل ومااحط كل المقدار المكتوب ويكون جمبك صحن فيه زيت لاتبلين الملعقة في موية والملعقة تكون صغيرة وكل ماسويتي وحدة بسرعة بلي في الزيت وحطي من جديد وهدي النار عشان يمديك تملين المقلاية ومايحترقون وتقلبين باستمرار بعد ماتملينها وعلى طول شيليها من الزيت على شيرة باردة وقلبيها وطلعيها من الشيرة على صحن التقديم عشان ماتشرب كثير وتلين