الله يسعدك ..مطلقه و مريتي أو أحد تعرفينه /الموضوع خرج عن مساره

السلام عليكم
اي نعم اعرف وحدة مثل حالتك تطلقت بعد شهر من زواجها وطلعت حامل وقال القاضي ان العدة تنتهي بالولادة وكانت تاخذ نفقتها عن طريق المحكمة
بس زوجها مارضى يرجعها نهائي طول فترة العدة وبعد الولادة حكم لها القاضي بنفقة لولدها وتمشيلها ليما الحين

مااعرف احد صارلها كذا
بس من حقك انه يصرف عليك لين ماتولدي
مراجعات المستشفى والادوية واي شي يخص حملك
هو ملزوم يدفعه
وبعد ماتولدي يدفع نفقه لولده
وهو لو رجال عاقل بيعرف وش عليه
لكن لو كان عوج روحو المحكمة وهي تجبره يصرف كل ريال دفعتيه بحملك

×××× رد خارج مضمون النقاش
تم الحذف.. الإشراف
وشنو يعني اذا كانت مطلقة ومعاها طفل مو اخر الدنيا ا وديننا الحمدالله ما يظلم احد لا الرجل ولا المراة كل واحد له حقوق وعليه واجبات بمختلف الحالات
وياما ناس تطلقوا ومعاهم أطفال وماضر عيالهم شي اساسا لو فيه ضرر ماشرعه ربي

ولازم الحياة المستقرة بين زوجين ؟ الاستقرار في العقل ياما أطفال بين امهم وأبوهم يعانون الامرين.والرسول عاش بدون ام وأب والحمدلله الي ربي رزقك الذرية
عموما العدة تنتهي بالولادة
ادعي ربك يكتب لك الخير

برد عليك من واقع تجربه سابقه
تطلقت وانا عمري17وحامل بالشهورالاولى وكنت عروس ع قولتهم ماكملت معاه3شهور
ولدت ولاده مبكره بالسابع وجبت بنوته الله لايحرمني منها
طبعا ماادري عنه ولايدري عني ولاعن بنتي بس وقت ولادتي ابوي الله يرحمه كلمه وقال انو جاتك بنت وقال خلاص بسميها ع امي وسماها ع امه وبعدها بشهر وصلني صك الطلاق
بنتي الان عمرها 14سنه وانا تزوجت يوم كان عمرها سنتين وربتها امي الله يطول بعمرها
وقت كنت مطلقه اسمع كلام ناقص من ناس ناقصه وهالشي خلاني اكمل دراستي واشتغل ولارضيت اتزوج الا شاب ماسبق له الزواج لان هالشي من حقي ولاهو من حق البشر يحددون الاشخاص اللي اتزوج منهم
وطبعا مااكذب عليك كانوا اغلب العرسان متزوجين وشيبان ومطلق وارمل بس كنت ارفض لان من حقي ادور الافضل
الحمدلله ربي عوضني خير وزوجي طلع انسان متفهم وكل ويكند بنتي تنام عندي وبين اخوانها