الله يسعدها اللي تساعد صديقتي يااااااااارب

السلام عليكم بنات
صديقتي معزومه يوم الأربعاء القادم في حفلة لوحده من قريباتها
والمشكله إنه في ناس يكرهون صديقتي هاذي بس والله السبب تافه لو تعرفونه تقولون الحمد لله الذي عافانا مما إبتلاهم به والسبب هو : إن صديقتي ما شاء الله تبارك الله محبوبه وناجحه في كل شي وكل أمر متسهل لها إلا بعض الأمور البسيطه ما توظفت وما تزوجت لسه ......
وهي شاورتني تقولي ما لي نفسي أحضر هالعزومه لأن هذول الناس بيجوا وما ودها تشوفهم كمان هم إذا شافوها ياكلونها بنظراتهم ويحقرونها ويتعدوا من عندها ما يسلموا عليها حتى أطفالهم بسم الله تقولون عارفين الحقد إذا شافوها أحرقوها بنظراتهم اللي بعيده كل البعد عن براءة الأطفال طبعاً لأنهم عارفين إن أمهم وخواتهم وإخوانهم يكرهونها والله من دون سبب بس السبب اللي ذكرته وكمان إن أبوها دايم يمدحها لأنها مطاوعه له في كل شي الله يحفظها ويفرج همها قولوا آآآآآآآآمين
وفي سبب غريب يقولوا عنها إنها تتكلم فيهم عند الناس على بالهم إن الناس تحبها وتكرهم عشان هي تتكلم فيهم وهي والله ما تجيب سيرتهم أبد إلا إذا أحد سألها عنهم كيف حال خالتك وعيالها ؟ والله على طول تقول: الحمد لله طيبين وإذا أحد تكلم فيهم قدامها إما تسكت أو إذا قدرت تقول لهم رجاءاً لا تكلمون فيهم قدامي الكلام هذا يجيب لي الهم ....
شفتوا إن المصيبه الكبيره إنه في صلة قرابه بينهم """""""!!!!!!! فهم مرة أبوها وبناتها !!!!!!!""""""""
فهل تحضر صديقتي وتطنش مع إنه صعب عليها أو ما تحضر؟؟؟؟؟؟؟؟؟:(
وأنا قلتلها إحضري وطنشيهم ولا كأنهم موجدين ، قالت أنا ما أعرف أكون موجوده في مكان أحد يكرهني فيه تعودت على محبة الناس لي خصوصاً إن أبوها مع زوجته هذي وموفرلها كل طلباتها هي وبناتها وعيالها ويشوفهم ما يخطون أبدأ ومطلق أمها مع أنه الحمد لله موفر لها هي وأخوانها من أمها وأبوها السكن وبعض الأشياء البسيطه وهم راضين هي وإخوانها لكن مو منكد عليهم عيشتهم إلا تصرف مرة أبوهم هي وعيالها وبناتها اللي ما لها داعي يعني مأن محبة الناس لها تعوضها عن فقدانها لحناااااان أبوها ، مع إنه ما فيه شي في الدنيا يعوض عن حناااان الأم والأب
حسبي الله ونعم الوكيل
الرجاء ردوا علي قبل يوم الربوع ......:26: لأنها تقول خلاص ما راح أروح العزومه لأني كذا أرتاح
مع أني متأكده إنها نفسها تحضر لأنه خطوبة بنت أختها ولازم تكون معاها خصوصاً إن بنت أختها هاذي حبيبتها وقريبه منها مرررررره وما ترتاح إلا معاها
معليش سامحوني على الإطاله لكن والله تعز علي هالبنت
إدعوا لها بالفرج القريب