الله يسعدها اللي تعطيني طريقه السليق

باعطيك طريقتي وان شاء الله تعجبك


نص دجاجه

كوب كبير رز مصري منقوع

تحمسين بصل في الزيت وتحطين معاه كم عود قرفه

وبعدها تحطين الدجاجه وعلى طول كبي الرز ومويه وملح

وخليه لين يتشرب المويه ويثقل يمكن نص ساعه

وبعدها اضيفي نص لتر حليب اي حليب عندك

وخليه يثقل مره ثانيه

بعدها وطي النااار وع الوجه فلفل حار وملعقه زبده وخليه مايقارب العشرين دقيقه..

وبعد كذا هني وعافيه

واي استفسار راسليني لان يمكن ما ارجع للموضوع..

اول شي يالغلا....نقعي رز مصري مقدار كوبين في ماء دافي
بعدين حطي بالقدرملعقتين سمنه او زيت الموجود ..بس السمنه اطعم ..
وحطي 4 فصوص مستكه لمن تذوب حطي الدجاج وقلبيه عليها زين وضعي عليها 5 حبات فلفل و3 هيل وعود قرفه بس
وبعدين حطي ماء مغلي اللي يغطي الدجاج خليه ثلث ساعه
بعدين ملحي الدجاج وخليه 10 دقائق بعدين صفي المرقه وشيلي الدجاج بصينيه على جنب
نرجع للمرقه حطي عليها الرز المصري خليه يطبخ لمن ينضج واذا احتاج ماء زيدي بس يكون ماء مغلي قلبي (السليق يحتاج تقليب )
وبعدين حطي 9 ملاعق حليب بودره بكوبين ماء ذوبيها واغليها شوي على النار وبعدين حطيها على الرز وقلبي كثيرر متعب في التقليب
الدجاج لك خيارات يا تقلينهبالزيت او تسوي صلصه (ماء +مرقه ماجي مكعب +ليمون عصرتين +معجون طماطم ملعقتين +ملعقتي زيت +فلفل مطحون )تقلبينها تمسحيها على
الدجاج وتدخلينها الفرن هذه طريقتي لزيزه ...دعواتك لو نفذتيها وعجبتك ...

ماشاء الله البنات كفوو ووفو

الله يسعدكم ويوفقكم يارب

انا اسلق نص دجاجه في مويه ومكعب ماجي
وبعدين انتضر 10 دقايق لمن تستوي الدجاجه
واحط عليها الرز المصري المنقوع من قبل
وبعدين ع جنب احط حليب نيدو 4 ملاعق في زبديه مع مويه واحركها
وبعدين اصبها ع الرز واحركه
واذا قرب يستوي احط شريحتين زبده وملعقتين قشطه واحركها
واقلبه في الصحن مرررا سهل ولذييييييييييييييذ