الله يسعد اللي اتعلمني الدائره

حبيبتي لا تستعجلي ومافيه أسهل من دورة أم عزيزان الله يحفظها

أول شي سوي 5 سلاسل وقفليها بمنزلقة اشتغلي 3 سلاسل رفع وكملي أعمدة في نفس

الدئرة لحد آخرها وهذا أول سطر وكمليها بالتوسعة

وما أنصحك دحين تسوي قبعات أول شي تعلمي الغرز وقراءة البترونات

أتمنى لك التوفيق

مشكوووووووره اتعلمت الغرز الحمد لله بس موراضيه تظبط دائره

اعملي 5 سلاسل واغلقيها بمنزلقة

واطلعي 3 سلاسل اللي هيا اول عامود وكملي 9 مواميد ومع الثلاث سلاسل يصيروا 10 عواميد

وبعدين اغلقي بمنزلقة واطلعي 3 سلاسل وفي نفس المكان اعملي عامود وبعدين فوق كل عامود عامودين

حيصير المجموع 20 عامود واغلقي بمنزلقة

السطر الثالث

اطلعي 3 سلاسل وبعدين اعملي عامودين ثم عامود ثم عامودين يصير الترتيب (عامود -عامودين -عامود - عامودين)وهكذا حتى النهاية واغلقي بمنزلقة

السطر اللي بعده اطلعي 3 سلاسل ثم عامود ثم عامودين ثم عامود ثم عامود ثم عامودين يصير الترتيب (عامود - عامود - عامودين - عامود - عامود - عامودين) وهكذا

وكل سطر جديد يزيد عدد العواميد المفردة

يعني(عامود-عامود-عامود -عامودين-عامود -عامود-عامود -عامودين)وهكذا

ان شاء الله تكوني فهمتي

مشكوره فهمت بس لما اطبق ماتطلع نفسها ياليت احد يحط صوره

شوفي حبيبتي انا دايما لما اعمل القبعة ماتزبط معاي

مرة جربت اعملها بغرزةالعامود ابو لفتين صارت تمام

يعني انت جربي الدائرة بعمود ابو لفتين وشوفي