الله يسعدك ويوفقك ويرزقك ياارب

بس انا ابي اشياء معرووفه اضمن =)

ويسلموو

اب

حبيبتي روحي حللي غدة تراها تسبب تساقط الشعر وتغير طبيعته اسئل مجرب
الخلطات ماراح تفيدك كثير

صباح الخير اختي.انا كنت مثلك تماما بعد ولادة بنتي الثالثه تساقط بالهبل غير التقصف.والحل كان قبل ثلاث شهور سويت تغيير جذري لشعري من شامبو وغيره.كنت استخدم السدر اسبوعيا والطريقه 7ملاعق سدر وملعقة مسمار مطحون وملعقتين عسل وشوية زيت طبخ اعجنهم بمغلي البصل واتركه نص ساعه وبعدين احطه عالشعر اهم شي تحطين عالجذور والفروه والاطراف كنك تصبغين خليه ثلاث ساعات وغطيه بكيس ولفي فوقه شيله قطن ولا تجين بمكان بارد عشان الهوا ما يصفقك .وغسليه بفاشكول بالثوم الاصلي من نزيه خليه 5دقايق ولاتحطين عالجذور او الفروه وغسليه بماي واذا نشف حطي زيت براشوت تكونين منقعه بالعلبه ملعقه من محلب وسويده وحلبه مطحونين وحطيه عالشعر ساعتين وبالكثير ثلاث ساعات وبعدين غسليه بشامبو زين لو تاخذين فيتشي مع المرطب يكون احسن او اي ماركه طبيه واذا نشف شوي شعرك لفيه طاقيه وخليه 4ساعات وفكيه يطلع كنه مستشور.لو عندك رشوش اصلي استخدميه مره بالاسبوع ملعقتين رشوش او مشاط بقلاص ماي دافي وحطيه عالشعر لين ينشف وبعدين غسليه بالشامبو والمرطب.انا بصراحه احط حنه مره بالشهر اكون ضايفه 6ملاعق حنه مع خلطة السدر اللي ذكرتها.اذا انتي تصبغين لاتحطين حنه.والحمدلله وماشاء الله تحسن شعري والفال لك يارب.وربي حاسه فيك لاني جربت معاناتك فعلا الشعر نعمه من الله.والشعر لازم عنايه دائمه واذا انتي متزوجه مااوصيك عالبخور اهم نقطه عشان خاطر ابو الشباب.كان ودي انزل موضوع عن جدولي بس توني غشيمه مااعرف.اتمنى دعوه صادقه بظهر الغيب بان الله يرزقني بالولد الصالح المعافى ويحفظلي بناتي ويفرج هم زوجي.نسيت اذكر اهم نقطه اذكري اسم الله واقري المعوذات بأي خلطه تسوينها وحتى لما تمشطين شعرك

ونسيت اقولك حاولي تاكلين يوميا سلطة جرجير مع بقدونس وخيار وجزر وعصرة ليمون .وعالريق 7 تمرات عجوه او ملعقة عسل اصلي مذاب بنص كوب ماي دافي.هاذي طريقه قالتها دكتورة سوريه لأختي لمشاكل الشعر والبشره تقول هذا سر نضارة شعرنا وبشرتنا والله انها صادقه.سويت هالطريقه وشفت نتايجها ادري كثرت الهرج.شسوي ابي الفايده تعم عالجميع