مقدما..تكفون محتاجة منكن النصيحه .ان شاء الله القى منكن القبول وسعة الصدر كل الحب لكن
اا حبباتيي انا زوجي شمالي غربي...
عنيد جدا وطيب متناقض كثيييييييير
مشاكلي معه كثيره بعضها حليتها والاخر تجاهلتها والي باقي ماقدرت عليه...
يعني مابزعجكم واقول قصة حياتي بس بقولكم مشكلتي بها اليومين...هي من فتره بس الالم جاء هاليومين
باختصار...
زوجي يحب الطلعه برا البيت يكرة الجلسه عندي....يدور اي عذر اغلب وقته برا اول كنت ابرر هالشي بانو عنده شغل يعني العصر يطلع يشتغل لحد 9 او 10 ولما يجي من الشغل طبعا مو دوام رسمي لا (معارض السيارات)...لمى يجي يسهر مع اصحابه لساعه1او 2 ويجي ينام...بعد مشوار معه تغير شوي وصار يجلس معي ساعه قبل النوم وهكذا مرة سنوات وحنا ع ها الحال
احيان مايطلع وادري انو مايبي ويجلس بالبيت بس متى بالشهر مره..
وللاسف اكتشفت انو يسهر للفجر بحجة مع اصحابي وهو يكذب يكلم بنات...وعرفت بطريقتي وواجهتة واعترف واعتذر وعشت معه شهرين احلا ايام زواجي وبعدين شوي شوي تغير ورجع زي معاملته لي اول..
الحين اذا عاتبته ليش تطلع يقول انتي شكاكه انتي نفسيه تحسبيني اسوي الي ببالك انا رجل وابي انبسط ابي اعيش شوي وحيد احب اجلس لحالي ليش تفكرين بالشينه. يتعذر بانه شاعر ويكتب قصيد وان جوي مو جوه ويلقى اصحابه تلحن معه ويغنون ويدقون عود...انا اكره ها الاشياء لانها حرام وحاولت ابعده بس للاسف ربي يهديه ..يقول انه شاعر بس عمره ماكتب بي قصيده يكتب لبنات الحرام وتخيلن يلقياه لهن بصوته كل هذا عرفته بطريقتي الخاصه..بعد فوات الا اوان
المهم ازعل ويرضيني بكلمه وارضى ع طوللاني متاكده مابلقى منه غير هالكلمه خصوصا انها تجي بعد يومين من الزعل
حبايبي ذا مختصر حياتي سبع سنوات..
تحملت الكثير ربي لايحرمني الاجر ولا يذوقكن مر الخيانه ." المشكله الي احترت فيها
"يوم الاربعا كنا زي العسل وتو متراضين ((لانو كل اربعا نتزاعل والسسب انه كل اربعا يسهر للفجر ويطنش والخميس السهره للساعه 11صباحا تقريبا له فتره كذ مهما زعلت ماينفع اذجا الاربعا ينسى كل وعوده))
المهم سهر ولماجت الساعه 2 ارسلت له اشتقت لك ولاتتاخر علي(انا من طبعي مارسل له كثير اذ سهر ولا ادق عليه عشان مايقولو زوجته ازعجته)الموهم رد عندي العيال متجمعين يعني مابتاخر...
طب كذا حلو عايشه رومنسيه انا ووجهي لان تو متراضين وقلت اكيد مايزعلني ويجبر بخاطري
جت الساعه 3ونص ارسل مانسيتك وربي...
رديت وانا بعد اشتقت لك تعال قبل تجي العنز قبلك(اقصد الزعله)
وطنش مارد
الساعه 5ارسلت ابيك ضروري..
جاء ماقدرت املك نفسي وبكيت وقلت ليش تسوي كذا قال انا مبسوط وجالس الحن واكتب قصيد عايش جو وهذي نعمه من الله مو دايم تجيني وكل ما اجي ابي استتانس انتي تخربين علي ....بكيت وقلت كيف تنبسط وانا ابكي وحيده انتظرك كل هالوقت ماحسبت حسابي..
تناقشنا وبعدين قام حتى ماخلصت كلام وقال اجي شوي العيال عندي ماطول...وراح حتى ماجبر بخاطري ...انتظرت قال شوي واجي
تخيلي جت الساعه 7 وماجاء ولا ارسل انه بيتاخر
دقيت الساعه 7ونص ولا رد
وبعد ربع ساعه ارسل صبرك علي واجي ماطول
للحين عنده ماتخر ولا طول
طبعا غصب علي انهرت وبكيت...
ارسلت له ان هذا اخر خميس تعذبني فيه وصدقني ما بسمح لك تتمادى خلاص انا بترك لوناستك وخل كل ايامك خميس وانبسط...وعش زي ماتبي خلاص ماتهمني
الموهم غسلت وجهي ونمت لاني تعبت منكثر البكاء ...طبعا انا اقفل الباب حق قسم النساء لانو اخوانه وشلته يسهرون بقسم الرجال دايم يعني مو محسوب علي انا بيتي من قسم النساء اصلا مفتاح البيت معهم فا اسكر علي عشان محد يدخل...
قفلت بابي ونمت تخيلي الساعه 11 ارسل ليش ياقلبي مسكره الباب افتحي لي...جنني مو مسوي شي...
طنشته ولما جت الساعه11ونص دق وقال افتحي ...فتحت وجاء نام ولا تكلمنا بشي
من الوقاحه يصحني الساعه 2 وكانو ماصار شي قومي سوي لي اكل مشتهي كبستك...
تخيلي وربي بغيت اعطيه كف يعدل ملامح وجه.يخليه يحس ع دمه ويستحي يعتذر ع الاقل وبعدين يطلب .بس مقدرت الطخ وجهه اخاف ومومن طبعي ...
المهم طنشته وكملت نوم وكل شوي يرسل بنتي ماما سوي لبابا اكل طفشتني وقمت الساعه 3 وسويت له غدا وحطيته ورحت نمت جاء قال ليش ماتاكلي قلت مابي وراح انا جيعانه بس هو ماطلبني ولا لزم علي...
المهم بلع وراح والمغرب جاء عشان يوديني لصديقتي عازمتني ولقيته جايب لي هديه عطر ودب صغير واعطانيها بدون ولا كلمه وبس ...رحت لصديقتي وطبعا هو وشلته سهرانين بالبيت جيت من صديقتي الساعه 1 ودخلت البيت وهو مادخل راح لمجلسهم وللحين ماجاء تخيلي الساعه الحين الساعه 6ونص الفجر ولا هميته ابد ولابرساله اعتذر وبس يعني بعطر خلاص انسي واسامح واقوله اسهر للضهر...
تكفون ابي من يساعدني اعرفه ما بيجي الا الضهر وهو مطنش كيف اتعامل معه وشلون اغيره اول اذ بكيت اثرت فيه ويجلس عندي والحين ماهميته ابد
الله يسعد كن ويسخر لكن قلوب ارزواجكن كيف اتصرف معه تكفون ردي علي باسرع وقت انا بالرساله الي قلت له هذا اخر خميس تعذبني فيه اقصد اني بروح لاهلي واتركه ادق ع اخوي يجيني .....وش رايكم اروح واتركه خصوصا انو ماعمل لي حساب وطنش والحين بعد سهران
ربي يسعدك يالي بتساعديني
لكن اذا ابو زوجك رجل عاقل دخليه بالسالفة