الله يسعد ويسخر للي ترد علي(عن االمجفف الكهربائي)

ياعيوني هو مايكوي ميه بالميه
بس على قولتك يخفف السفطات الى حد كبير
برأيي انك بعد ماتطلعينها منه ماتحتاج كوي الملابس الداخليه
بس اهم شي اول مايرن الطرس تطلعينهم عشان يطلعون وهم لسى فيهم حراره

بس مكانه الممر او بالمدخل مايناسب
لان لازم له تصريف للبخار
وخطر جدا يكون البخار على داخل البيت

رفــــــــــــع
يالــــــــــغـــــــــلا

الله يسعدك انامل ماقصرتي

شكرا الله يرفع قدرك بنت العضيدي

نفس سؤالك بالضبط
يهمني كثير اعرف اذا فعلا بارتاح من كوي الملابس الداخليه حقت الرجال
ياليت اللي عندهم يجاوبونا
وصدق ارتاح من كوي الجينزات والعبايه
يابنات ردوا

انا مهما كويت الملابس الداخليه الرجاليه ماراح تطلع مثل الكواي
فإذا هالمجفف بيطلعها قريبه من كويي خير وبركه لأن بأشتريها بس محتاره

اسمعوا مني اجل
وكل وحده وراحتها واختيارها
انا مثلكم الكوي من يوم يومي عدوي اللدود
اكثر شغله اكرها في شغل البيت وبما اني احب الترتيب والتنظيم
واذا ماكانت الملابس مرتبه في الدولاب ما ارتاح ولا تكون غرفتي مرتبه
ولو تقطعوني ما دخلتها الدولاب مو مكويه
وطبعا حالتي الصحيه كمان تمنعني من الوقوف للكوايه عندي عمليه برجلي ووحده ثانيه في ظهري
والحمدلله على كل حال
قلت لكم طبعا قصت حياتي عشان تعرفون قد ايش انا محتاجه له ضروري ضروري
طبعا بعد تفكير عميق وسريع قررت اشتري مجفف
وربي هداني اشتري من ماركة وير لبول احدث موديل راح اقلكم مميزاته وعيوبه ان وجد
مميزاته
شكل انيق
بالعربي ازراره
له علبه تتجمع فيها المويه بعد كل دورة تجفيف فضيها في المغسلة
له علبه يتجمع فيها الوبر بعد كل دورة تجفيف بس رش بسيط بموية الحنفيه ورديها مكانها
حاطتها في المطبخ عادي وترون مطبخي مفروش بعد
فيه شباك واحد وطبعا مع زوجي ممنوع افتحه
وله شفاط والمندوب قال تكفي وزياده للتهويه
في اي فيش اشبكيه وما يحتاج اي تمديدات وعوار راس لكن الافضل غيري الفيش ابو فتحتين لبو 3 فتحات
طبعا بصراحه جففت فيه ملابس زوجي الثياب البيضاء لازم كوايه بجد خصوصا ان زوجي مدرس
لكن زميلتي تقول تكفي بحكم ان زوجها ممرض وما يحتاج يلبس الثوب كثير
الملابس الداخليه صراحه في الاول ما عجبتني وما كنت راضيه عنها لكم لما طبقتها في الدولاب طلعت مع الضغط شكلها
90 بالميه مكويه وشكلها مرتب بالمرة
اليوم غسلت ملابسي وملابس بنتي والله اول مرة اغسل وانا مرتاحه نفسيا
يالله لما طلعت الملابس من المجفف وطبقت ملابسي وملابس بنتي انجاز بجد انجاز
وطبعا مو كل الملابس ما تحتاج كوايه فيه مثل ثياب زوجي وبلوزة اليوم ما عجبني شكلها والباقي
صراحه واااااااااااااااااااااااااو
مجففي 9 كيلو وانا شريته وعليه تخفيض 27 بالميه وسعره2329 ريال
ولو اعرف انزل الصور صورته لخاطر عيونكم بس والله ما اعرف
اتمنى منكم دعوة صادقه ربي يشفيني ويصلح حالي وحال زوجي ويهدي لي بنتي ويحمينا من كل سوء
ولو بقلوبكم ولكم بالمثل
واي طلب امروني لو اقدر ولو مارديت ارسلوا لي خاص
وتروني باقي اتعلم عليه استخدمته يومين بس