شــاكره مروركم والله يسعدكم
اختي ام عامر الله يجزاك عني كل خير ياليت تعلميني أكون لك شــاكره
وبالنسبه لمكان اقامتي انا بمحافظة قريبه للرياض

انا عندي ولد عنده ضمور ببعض الخلايا طبعا بسبب نقص الاكسجين سبب له تاخر حركي وعقلي بسيط مع ان الدكتور وهو ابو ثلاث شهور قال عقله تمام بس الاحظ تاخر بسيط الحمدلله وياما شفت الحمدلله على كل حال الحين عمره بال 8 ونص يمكن تاخر في كل شي واحسنت الظن بالله انه بااذنه تعالى بيمشي بيوم وربي كريم مشى متأخر الحمدلله وهذي نعمه كبيره

ومقياس الذكاء مافكرت اخذه صح اخذت مقطعيه وبعدين تركت المستشفيات ةعالجته طب نبوي والحمدلله مشى ماشاء الله تبارك الله بعده بفتره وهو حول الخمسه سنوات هالحالاات تبي صبر وحسن ظن بالله واقتناع ان هذا اختبار من الله وامتحان لايمانا ودرجة صبرنا وكل ماتقتنعين بهالشي سبحان الله تحسين برضا وفرح بالولد هذا انه بااذن الله بيكون سبب لدخولك الجنه وعلو منزلتك جزاء صبرك

من ناحية علاجه اهتمي انتي فيه سوي له تمارين دهنيه بزيت زيتون دافي كل ليله وسوي مساج خاصه للرجلين ولليدين اهتمي بنوعية اكله خاصه الكوسه تنشط خلايا المخ لانه معروف الضمور هو صغر ببعض الخلايا عن حجمها الطبيعي ومافي علاج دوائي له لكن فيه تحسن الحمدلله مع الوقت بالتغذيه الجيده ونوعيته - واهم شي الخضار المسلوقه والفواكه ومرقة الشوفان ومرقة اللحم الابيض وفيه اشياء كثيره تقدرين تبحثين عنها بس انا اقولك من تجربه
وربي يشفيه ويشفي ولدي وكل مسلم ومسلمه
والله يرزقك شوفته سليم معافى ونشوفهم بااذن الله قراء وحفظه لكتاب الله وأئمه نصلي وراهم ونحمد الله على كرمه ونعمته علينا

شـــاكره مرورك أختي منوة الخيال وربي كلامك بسلم ربي يريحك دنيا واخره ويشفي ولدك وجميع مرضى المسلمين
إذا ممكن سوال :: دريتي عن ولدك أن عنده ضمور على طول بعد الولادة ولا بعد كم شهر ؟؟لان ولدي ما كان عنده نقص أكسجين مادري وش السبب (اللهم لا اعتراض على امرك) كل شي مكتوب . وما اكتشفت ان عنده ضمور لمن كمل أربع شهور يعني ببدايت عمره احس ما كان فيه شي والحمد لله على كل حااال والضمور عنده بأي جهه أنا ولدي بالجهه الأمامية ومأثر على الحركة ربي يشفيهم ويعافيهم ويفرحنا بسلامتهم في القريب العاجل ..

ولدي شهرين بالمستشفى بما انه جا في السابع بس بالبدايه بمراجعاته مابين شي بس بديهي بعرف انه ممكن عنده نقص اكسجين عشان ولادته مبكره ... وبالمراجعات يقولي دكتوره انه عقليا سليم وكان فعلا يضحك ويستجيب بس كان فيه تأخر بالنسبه لأقرانه اكتشفته كل مايكبر بالشهور من ناحية التقلب لا طبيعي تقلب بدري سبحان الله لكن بقاي الحركات لا تأخر لاحظته رخو ومايمسك زين وتاخر بالجلوس وشخصوا الضمور من المقطعيه بس مااخذتها الا وهو ابو سنه يمكن
انتي يمكن نقص عليه الاكسجين اثناء الولاده او الطلق
وولدي يقولون الجهه اليسار اضعف من اليمين يعني بالخلايا اللي يمين المخ بس والله ماتعمقت بالسؤال .. وقتها ابغى اي امل وماعتمد على كلامهم

بس انتي مع الخبره بتفهمين وضع ولدك اهم شي يكون يتحسن مع الايام يعني مايكون ثابت على حال واحد والحمدلله

وربي يشفيههم جميعاا

الله يطمن قلبك ياام بدر ويسرلك أمرك ويفرج همك ويشفي ولدك وخليه لك وتشوفينه أحسن ولد في الدنيا وحافظ لكتاب الله وبار بك وبوالده يارب العالمين
غاليتي عليك بالصبر والدعاء في السجود والثلث الاخير من الليل والصدقه