الله يسعد ويفرج هم اللي تجاوبني 🥺💔💔

بنات بفضفض شوي وبنفس الوقت عندي استفسار انا كلمت مستشار دكتور مصري بمصر يعالج نفس حالتي اللي المخزون عندها مافيه لان المستشفيات بالمدينه قالوا مافيه علاج المهم عاد هو قال عندي علاج لاكن صدمني وقالي بس الكشفيه الاولى انك تدخلي على الدكتور ب١٧٠٠ ريال !!!! انصدمت حسيت انه نصاب راح زوجي وكلم صاحبه المصري وقاله على السعر قال صاحبه هذا سعر خيالي عندنا بمصر مافيه مستشفيات بهالسعر ! ذا ينصب عليكم عاد انا رحت وكلمت مستشار الدكتور وقلت له تمام على السعر كان وقتها كارونا وممنوع السفر قال عادي حللي وصوري لي التحاليل وحولي لي الفلوس كامله وانا ابدأ اعطيك علاجات ومن هالكلام وقلت له تمام بس قبل كل شي ممكن تصور لي اسعار الكشفيه والاشياء ذي على الكمبيوتر ! الموجود عندكم بالمستشفى الا هو يعصب وقال لي حضرتك انا فلان بن فلان مستشار الدكتور الفلاني تقدري تسألي عني واسامينا انا والدكتور ماليه السوشل ميديا هننصب عليك !!! ورقمي انتي ماخذته من نفس صفحة المستشفى يعني اكذب عليك ليه ! واذا انتي كذا تقدري تشرفينا بالمستشفى ماراح اعالجك اون لاين انا اسف ! طبعاً ماسكني من نقطة ضعفي ووقتها كان باقي وقت طوووويل جداً على فتح الطيران الخارجي وكنت ابغى اتعالج في اي طريقه قلت له لاا تمام خلاص احولك بطلعة الروح وافق وزوجي قال اصبري وخلينا نسوي ابر البلازما بالسعوديه وبعدها اذا مانفع نروح له ذا نصاب زوجي مو مرتاح له ابداً وطبعاً انا سألت المستشار عن البلازما قام يحلف لي انها كذب ومجرد مضيعة فلوس لك قلت لزوجي لا بروح احلل واارسل له تحاليلي ونجرب الحمدلله احنا مقتدرين مادياً ونصرف اكثر من كذا قال زوجي اللي تشوفينه رحت حللت بمختبر طلعت نتيجة مخزون المبيض 0,50 وانا قبل ست شهور كنت محلله وكان 0,01 طبعاً طرت من الفرحه قلت ارتفعع فرق ! رحت ارسلت له التحاليل وسألته هل هو ارتفع قال لي لا !! نزل اكثر من اول انصدمت كيف نزل قال هو اول لما كان 0,01 الواحد رقم فرعي اما خمسين نزل يعني وماينفع اون لاين لازم تجينا حسيت اسلوبه حاقد علي باقي ! قلت ليه قال نسويلك تحاليل من جديد من عندنا ومقاسات واشياء كثيره نعرف ايش سبب نزول المخزون عندك حسيته بيستغلني !! لان معنى كلامه فيه صرفيه ثانيه اصلاً كلامه ماخش راسي لما قال مخزونك نازل اكثر وبعدين انا نازل من اول ليه من اول ماقال لي تعالي نسويلك ذا كله ! اول كان مستجيب معاي بس بعد ماقلت له صورلي صار يفتح ويسكت ويطنشني مدري مارتحت صليت ودعيت وحلمت حلم وفسرته قالوا لي البلازما احسن ورحت سويت البلازما لي شهر مسويتها اللي هي يعطوني ابر منشطه وثاني الدوره اشوف مخزون المبيض عندي هل فيه تحسن ولا لا المهم جتني الدوره اليوم يعني بكره بروح اشوف الابر البلازما نفعتني ولا لا واحس اني خايفه خوف مو طبيعي وصرت فعلياً نفسي اعرف هو الدكتور يكذب علي بالمخزون عشان ادفع له واجيه ولا لا ؟ تحسونه نصاب ؟ ووش افضل مخزون 0,01 ولا 0,50 بالله اللي عندها خبره تعلمني وتقولي الصدق 🥺♥️