الله يسعد ويوفق ويحرم وجه اللي بيساعدني على النار .. قولوا امييييين ..

السلام عليكم ورحمة الله وبركاته ..


بنات أنا ما أدري وشلون ممكن تشوفون مشكلتي ..

أو إنكم بتشوفونها مشكله أصلاً ..


بس أنا والله العظيم ضاقت بي .. ماعاد أعرف وش أسوي ..أبي أحد ينصحني أبي رأي .. خصوصاً إني اللي حولي يمكن ما يساعدوني ..


المشكله يا أخواتي في كلمه .. (( صلة الرحم ))

إيه هذه مشكلتي ..

انا والله ما أعرف شو أقول ولا أدري وش سبب هالقطيعه .. يعني أنا لي بنات عم ولا كن لي بنات عم .. !!

أنا صاير لي إسبوع أحلم فيهم .. وانا من أسبوع أفكر كل يوم أكلمهم .. بالله هذه حال ترضي الله ورسوله ..

يعني نتقابل بالزواجات ولا يسلمون علينا . أمي وأختي راحوا زواج بنت وحده من أقاربنا .. وأنا ما رحت كنت تعبانه .. تحلف أمي إنهم ما جوا سلموا .. لا بالعكس مروا من جنب الطااوله ولا سلموااا .. !!!


والله العظيم .. وأنا ما اقول هالكلام لأني صاحبة الموضوع .. لا والله العظيم ما سوينا لهم شيء.. ولا كرهنا لهم الخير بيوم .. ولا ندري وش سبب وأصل المشكله .. !!

يعني كل يوم نفكر بسبب .. وأنا أختي الحال هذا مضايقنا حيييل .. ومضااايق أبوووي وامي .. بس وش نسوي ..

قابلتهم يوم في محل نسائي .. وسلمت عليهم .. والله الكبيرة يوم اجي أجلس وأقعد أتكلم .. تعطيني جنبها .. !!!

أنا ودي أكلمهم ودي أتصل أهنيهن بالشهر .. بس تعرفون الشيطان .. يمكن ما يعطوني وجه .. يمكن ما أستفيد .. ويمكن يكون إتصالي كأني أنفخ في قربة مخروقه لا بيتغيرون ولا شيء ..

وإذا حابين تعرفون الأسباب أو الأشياء اللي صارت قبل هالقطيعه بلخصها لكم بكم كلمه وبالترتيب ..


صارت بيني وبين بنت خالتهم .. رفيقتي مشكله رغم إستمراري بالعلاقه إلا إني لقيت الصدود .. وكلام جرحني وقتها إلا أنني ألحين أفكر إني يمكن تسرعت .. عالعموم صارت الفرقه بيني وبين هالبنت .. وبعدها تغيروا علينا شوي ..


بعد إختياري تخصص متميز بالجامعه .. تغيرت النفوس كثيير .. وصار الكلام كله حول الدراسه .. وشلون إن الإنسان مو مهم معاه شهادة جامعيه بس المهم أخلاقه ..


أخوهم .. ولد عمي .. كان يبي أختي خطبها .. وأختي إشترطت شرط طبيعي جداً جداً .. لكن الأم والخوات إعتبروه تشرط .. وقله قيمه لهم .. ويمكن جاء في بالهم إنه فقط لتطفيشهم .. ومن بعدها السلام ما يردونه .. !!!


على الرغم إنه بعد الخطبه ..أنكر العم والعمة سالفة الخطوبة .. وضلت أختي معتقده إنها مخطوبه (( معلقه )) شهرين .. وما درينا إلا بعدين من مره جات تزورنا إنهم أنكروا السالفه بعد ما قالتلها أمي إن أختي مخطوبه لولد عمي .. (( لأننا ساكنين في منطقه ثااانيه .. وما ندري وش اللي يصير وش اللي يقولونه )) يعني حتى ما قالولنا هونا .. ولا شرطكم مرفوووض .. تصوروا .. !!

ومع كذا أنا وأختي للحين ودنا العلاقه ترجع .. ونبي نروحلهم ونزورهم .. ونبي نكون قلب واحد ..

والله حاله ما تسر بنت عمي ما تسلم علي ولا أسلم عليها ..

وما ندري ليش .. رغم إننا أفضل منهم تعليميا وإجتماعيا ومادياً بس عمرنا ما شفنا حالنا عليهم .. أو تفاخرنا أو شيء .. كنا دايم نحس إنهم يناظرون لنا وكأننا من كوكب ثااني بس يضحكون وكذا ..عاادي .. بس ما كانت القطيعه في الباااال أبد


يعلم الله ما في قلبي عليهم شيء .. وياليتهم بس ما يصدقون الكام اللي ينقاال .. لأن الفرقه صاارت بعد هالأحداث .. بس والله ما توقع لو صارت لي بفاارقهم .. فيمكن هم سمعوا كلام من بنت خالتهم أو شيء ..


بناااات الله يوفق ويسعد اللي بتساااعدني

الله يحرم وجهها على النار ..

ويرزقها بالزوج الصالح إذا هي بنت ..

وبالذريه الصالحه إذا هي مره ..

وربي يحقق لها كل أمنياتها ..

ياااااارب بس قولولي شسوي ..

أكلمهم أضغط على كرامتي .. وأكلمهم ..

أكون البنت اللي تذللتلهم .. هم أكيد بيشوفونها كذا .. وأكلمهم ..

ولا أفوض أمري لله وأدعيه إنه يظهر نصرنا على اللي ظلمنا ..


وعلى فكرة ترى نزورهم بالأعياد ولا يردون الزيااارة لنا أبد ... :(


بالله شسوي .. أنا ما قدرت اصبر لين بعد الفطووور متضااااايقه حييييييييييييييييل ..


يعطيكم العااافيه ..