الله يصبرنا على فراقك يالغالي ..ادعو لابوي يابنات

السلام عليكم ورحمة الله وبركاته
انا لله وإنا إليه راجعون
ابوي توفى يوم الاربعاء ماحضر السنة الجديدة انتقل الى جوار ربه وهو طالع من صلاة العصر اااااه يابنات لاتغترون بالدنيا وخلو الموت على بالكم دايم الدنيا فااانية ماتسوى والله ماتسوى
ابوي صلى بالناس العصر هو امامهم والعشا صلو عليه شاب وبصحته بس امر الله اذا جاء مامنه مفر جته كحة قويه وانكتم صدره ويوم وصل المستشفى قالو نقص اكسجين وانقطع النفس شفتو وشلون الموت قريب
الحمدلله الحمدلله على أمر الله ليلة الاربعا كان عندي ببيتي زايرني ومتعشي عندي يضحك ويسولف ولافيه الا العافية اااه لو كنت ادري انها اخر ليلة اشوفه فيها كان ماخليته ولادقيقة اااااه يارب تصبرنا وتربط على قلوبنا احس فيه فراغ بصدري اااه ياصعب فراق الغالي
ادعو لامي يابنات الله يصبرها ويربط على قلبها ويعينها على تربية هالأطفال الايتام ويرحم والدي ويغفر له يارب الحمدلله انسان مؤمن وصالح ماعمره تكلم على احد ولا أذى أحد كلن يحبه ويدعي له وتشهد قبل يموت هذا اللي مريحنا ومصبرنا الحمدلله الحمدلله على قضاءه وقدره