الله يصلحك يابنتي

السلام عليكم وحمة الله وبركاته

اااااه يا بنات عندي بنت في اول ثانوي الله يصلحها ويهديها قربت استخف منها عندها ولع غير

طبيعي بالكورة تنسى الدنيا ولا تنسى المباراة اذا لعب الهلال تعالوا اسمعوا الصياح اللي موصل لآخر

العمارة اذا مهوب الشارع والدراسة الله يخلف

عليها تدف عمرها دف يمر اسبوع واسبوعين ما اشوف في يدها كتاب واذا قلت ادرسي قالت مااخذنا

شي اليوم او ما عندي شي ما عندها اهتمام بالمرة عاقبتها كذا مرة بحرمانها من النت وتتعدل يومين

وترجع والمشكلة ابوها يشجعها وفي صفها ولا يخليني اكمل معها عقاب مرة جابت مقبول في

امتحانات منتصف العام الدراسي وصادف ذاك اليوم مباراة الهلال مع النصر وحلفت ما تشوفها والله

يابنات انها صابتها حاله هستيرية من الصياح على المباراة وخلت ابوها يتوسط لها لين خليتها تشوفها

واحسها صارت مفهية بزيادة وتنسى كثير مرة في رمضان اللي فات كان غسيل المواعين عليها

وكانت مسوية القهوة وبسرعة غسلت المواعين بتلحق اذان المغرب ومن الربشة كبت القهوة اللي

مسويتها وغسلت الزمزمية وانا اطالع فيها ماني مصدقة وش سوت:angry2:اه الله يصلحها ويهديها عاد

البارح جابت ام الفهاوة كلها جالسة تنور بجوالها تحت المخدة فالظلام تهقون وش تدور تدور جوالها

يعني ولا المحششين اللي ينكتون عليهم ههههههههههههههههه لا تظنونها غبية ترا والله انها ذكية

وذربة واذا اشتغلت شغلها ما اعقبها عليه ولا اصلح لها بسم الله عليها بس ما ادري وش فيها وكله

بسبة هالكورة