الله يصلحها كل شوي طلب زودتها

السلام عليكم ورحمة الله وبركاته
لي صديقه ولدها كان في الجامعه وكان مرره مو حاب قسمه ابدآ وحاب يحول من قسم الى قسم وهي متأزمة مره وضايق صدرها على ولدها انه درس سنتين في قسم هو مو حابه ابدا ولا طايقه ،، ودائما تتشكى وضايق صدرها على ولدها قلت بكلملك زوجي ممكن يعرف احد بالجامعه يقدر يسرع بتحويله خصوصًا جامعة ولدك كان قريب زوجي مدير الجامعه سابقًا والان تقاعد ،شكرتني وانا طلبت من زوجي وسبحان الله الولد حولو قسمه للقسم اللي هو يبيه بدون مايتدخل زوجي وقبل يكلم قريبه وعلمتها قلت ترى مالنا دخل يوم بشرتني بنقلت ولدها من قسم الى قسم ،، نجي للموضوع الاساسي
صارت الله يصلحها مايمر اسبوعين الا وترسلي قريبنا وده يدخل جامعه مايتوسط له قريب زوجك يبي الجامعه الفلانيه وطبعا الجامعه الفلانيه مالها دخل لامن قريب ولا من بعيد في الجامعه اللي كااااان يشتغل فيها قريب زوجي المتقااااعد
اقولها الرجال تقاعد والجامعه اللي طلبتي قريبكم يدخلها مالها دخل في الجامعه اللي كان قريب زوجي يشتغل فيها بعدين يوم احاول اساعدك في ولدك لانك صديقتي قرايبكم ياوخيتي مالنا دخل بهم وترى الرجال بح تقاعد لايحل ولايربط يوم ولدك يحول من قسم القسم حول بمجهوده مالنا دخل اصلن ماكنا مكلمين الرجال ،، ترد علي ايه حتى ولو تكفين اسأليه اسأليه
ابلشتني كل شوي مرسله احد من قرايبه تبي تدخله الجامعه تحسبني عميدة الجامعه ولا برفاسوره بجامعه الله يصلحها وماتستحي ولا تنتهي الله انا مررره وصلت حدي صرت اذا ارسلت استسلم اقول طيب بسألك ثم بعد يوم ارد اقول يقول والله ما اقدر ثم تهجد بعدها بأسبوع اسبوعين ترسلي مره ثانيه عجزت استوعب مخها ذا الادميه متى تستوعب انه خلاص لاتزعجيني 😢