الله يطول بعمرها ( اللهم اغفر لها و ارحمها )

السلام عليكم ورحمة الله وبركاته:26:

تكفوووووووون ساعدوني
انا بصراحه تعبت نفسيا امي بين الحياة والموت قالوا عندها سرطان بالكبد
احتمال جاي من المراره بس ما اكدوا من وين مصدره
وانتشر بالغدد اللمفاويه لان بحلقها ع اليمين فيه زي الكوره مع انتفاخ
ومره تهبط ومره تنتفخ والدكاتره في مستشفى الجامعي قالوا خلاص حالتها ميئوس منها خذوها تعيش بينكم لان اكثر من ست شهور ماتعيش
اااااه ما تتصورون حالتنا انا اربع وعشرين ساعه ابكي
بس انا ماصدقتهم لان نعرف ان الاعمار بيد الله والواحد مايموت قبل يومه
وطبعا جبنا لها راقي صارله ثلاث ايام يرقيها
وقال ان امكم ماعندها سرطان
امكم عندها حسد
والاشعه اللي طلع شكل ورم هذا الشيطان يهيئ لهم
ساعتها ماتتصورون فرحتنا
وبعد كم يوم امي رجعت تتعب
والحين صارت صفراء
عيونها وجسمها وطلع لها جرح كبير في يدها على شكل عين
وسبحان الله كبر وانفقع وشكله وهو يسيل زي العين اذا بكت
والحين تعبانه ومره نومها زايد بس نقعد عندها نسولف تنعس وتتركنا
تكفووون اللي يعرف اعراض السرطان يقولي
ونسيت اقول ان الدكاتره قلنا لهم استاصلوا الورم
قالوا مانقدر لان بمراحله الاخيره بس بالاشعاع نموت اعصاب الكبد عشان ما تحس بالم
وسولها ولازال الالم بس فتره خف
وصار اسفل ظهرها الحين ماتنام من المه ويطلع الى كتفها
بس الغريب ان امي ما عمرها اشتكت الا هالمره وقالوا بمراحله الاخيره اجل مراحله الاولى وين ليش ما مرت فيها وحست
وبدايه كانت تستفرغ لون اخـــــضـــر وبالمستشفى حاولوا يوقفون الاستفراغ بس ما وقف الا بعد الرقيه خف صارت تستفرغ الاكل شوي منه تقريبا الزايد
والغريب اكثر ان حجم الورم 10 ويقولون عشره وباقي في وعيها شي غريب
تكـــــــفون لاتنسونها من دعواتكم لكل وحده تقرا موضوعي بكل سجده تذكرها بدعوه بظهر الغيب
واللي تعرف عن اعراض امي شي تكتب
الله يحفظها ويحفظ امهاتكم كلكم