الله يعافيكم ريحوووووووووني

السلام عليكم ورحمة الله وبركاته
ابكتب لكم السالفه واللي احس به :D (وش تبغى ذي )
المهم انا الان متملكه لي تقريبا 4 شهور زوجي يكلمني والله ما اظلمه احسه طيب وصراحه يقولي كلام الدلع لكنه يقولي انت ما تقولين لي شي حلو ولا تدلعيني وانت رسميه معي بزياده ومره حاول انه يتكلم معي في الامور الخاصه ورفضت قلتله والله لاقفل السماعه بعدها مافتح الموضوع
انا بقولكم احساسي الصراحه انا خايفه مره ماادري وش شعوريتكفون ردوا علي هو طبيعي او لا انا شفته تقريبا 3 مرات والصراحه ما احس بضيقه بالعكس اسولف واضحك واذا ما دق علي انتظره يعني بصراحه تعودت عليه لكن اللي مخوفني اني ما احس له بالحب اللي يخليني اقوله الكلام الحلو انا اشوف واسمع كثير بنات متملكات يتكلمون عن ازواجهم (فترة الملكة ) بطريقه تبين انهم يموتون فيهم انا صراحة لا ما احس بهالشي واحيانا اقوله كلام حلوعشان مايزعل ودايم اخاف ما اتوفق معه وانا الصراحه فيه شي مضايقني كل ما تذكرته ضقت هو اسمر كثير يعني احس هالشي محسسني بالنقص
تكفون هل اللي احس به عادي عشان قرب الزواج وكثير قالو لي ما تتعلقين فيه الا بعد العشره يعني انا ودي احس مثل باقي المتزوجات اللي يحسون رجالهم نظر عيونهم ويتكلمون عنهم بحب ويحاولون يسعدونهم انا زواجي بعد عشر ايام وصراحه خايفه مره تكفون ريحوني يالمجربات فيه احد مر باللي مريت فيه حالة قلق وخوف ( داريه طولت وكتبت قصة حياتي بس ابغى ارتاح وتعرفون الواحد يقتنع او بالاصح يحس بالراحه اذا اللي مجربين نصحوه ووجهوه وجزاكم الله خير )