بنات القصيم @bnat_alksym
عضوة جديدة
الله يعافيكم يابنات الرياض ابي محلات تبيع لوازم صناعة الاكسسوارات
ساعدوني •
السلام عليكم ورحمة الله وبركاته :
ياغاليات انا راح اجي للرياض بعد فتره قصيره والحقيقه ماعندي اي خبره بأسواق الرياض
لكن انا مهتمه بصناعة الاكسسوار بدون تجربه سابقه وحابه اجرب اشتري خامات مثل الخيوط والاقفال (اهم شيء الاقفال) والخرز والفصوص وهذي الاشياء اللي اقدر اعمل فيها اساور وتعليقات وغوايش تكون على ذوقي
والقطع البلاستيكيه او التعليقات اللي تركب على الجوال لان بعد اتمنى اسوي تعليقات جوال بس ما اعرف منين اجيب الخامات او الحديد الصغيره او البلاستيكيه اللي تتركب على الجوال فيها
ما اعرف من وين اشتريها اذا احد يعرف اتمنى اتمنى ماتبخلوا علي وتفيدوني الله يجزاكم الجنه
وبعد ودي اعرف من وين اشتري العلب اللي احط فيها الاكسسوارات بعد ما اصممها والمانيكانات اللي تنعرض عليها الاكسسوارات مو مانيكانات الملابس طبعا لاني ابي اعرض عليها اكسسواراتي اذا الله وفقني وصممت اشياء حلوه وحبيت اعرضها . . لاتفكروني مستعجله على هالسؤال بس مو دايما يحصل لي اروح الرياض لذلك ودي اجيب كل شيء مره وحده
بليز اللي عندها تجربه او تعرف من وين اجيب الخامات ياليت تساعدوني
واللي عندها اي نصيحه او رابط فيه شيء يفيدني ويفيد المهتمين بالمجال ياليت تضيف الرابط مشكوره
انا محتاجه لوقفتكم معي والله يوفق الجميع
9
22K
يلزم عليك تسجيل الدخول أولًا لكتابة تعليق.
شجرة طيبة
•
شارع السويلم شمال جامع الإمام تركي بن عبدالله بتلاقين طلبك
الصفحة الأخيرة