الله يعافيكم يالغاليات شوروا علي قبل الفجر ضروووووووووري

السلام عليكم ياحوائيات ....
لو سمحتوا ودي استشيركم وياليت تعطوني الجواب قبل الفجر ضروري الله يعافيكم ..
ولدي دخلته تمهيدي الترم هذا ابيه بتعود يعتمد على عمره ويتعود قومة الصبح ويندمج مع الاولاد اللي بسنه وبدا يداوم من الاحد ورحت معه والاثنين ماقدرت اروح وراحت معه جدته وتقول لي جدته انها ماجلست معه تدخل عليه بالفصل بين فترة وفترة تتطمن حتى يتعود يبعد شوي عنا ويعرف يتصرف وكلامها صحيح وحتى بنفسه ولدي يوم رجع قالي بكرة راح اروح لحالي لاتجون معي لـــكـــن المشكله اني ماتعودت على اني اتركه بمكان لحاله ومامعه احد وعودته على كذا وعمره بحياته ما ابعد وايضا عودته اني حتى لو اختلط بالاولاد دايم انا معه او ام زوجي وصار ما يعرف ابد يدافع عن نفسه صار اذا اعتدى عليه اي طفل يجلس بمكانه يصيح لين نجي وندافع عنه وهو اللحين متشجع مرة للدراسه ومعلمته الحمد لله طيبه وماتتركهم لحالهم لكن مدري وشلون اوصف احساسي احس انه من درس وانا بدوامه مابيه يبعد وبنفس الوقت ودي يتعود تعبت من هالاحساس ودمعتي على خدي مدري وش اسوي على اني مدرسه وما اكون معهم الصبح لكن ام زوجي تقوم بواجبي معهم لين اجي ومو بس انا اللي احس بنفس الاحساس حتى ام زوجي على انها اكثر المأيدين انه يدرس ومن العام وهي تبينا ندخله لكن بنفس الوقت ماتبيه يدرس وولدي من يوم الجمعه ومن اعطيناه خبر انه راح يدرس وهو متردد وضايق صدرة ويدور اي شيء يصيح عليه والسبت ماراح مارضى والاحد راح بعد محاولات وجهد ووعود وشرتله جدته حلويات وسوينا له حفله صغيرة وبالموت اقتنع وكان يقول لي انا بروح بس اشوف بس ترا ماراح ادرس لاتسجليني ويوم رحنا وشاف الالعاب والمدرسات حبوبات والاولاد اللي بسنه قال خلاص سجليني هالللحين لكن رفضت اخاف اسجله وبعدها يغير رايه ابي لين ينتهي هالاسبوع واشوف وش يصير والاثنين راح متحمس وفيه خوف بس اقل من اول يوم
قلت المقدمة اللي قبل كلها ابيكم تكونون معي بالصورة


سؤالي / اروح معه بكرة او اجرب اخليه يروح لحاله وحتى هو بنفسه مايبيني اروح لا انا ولا ام زوجي لكن قلبي ما يطاوعني اتركه وام زوجي تقول الفجر اسأليه تأكدي واذا مارحتِ معه انا بروح


وش رايكم .. عارفه ان الغلط راكبني من راسي الى رجلين على تعويدي له مايبعد عني ولا يعرف يدافع ويتصرف بنفسه ولا حتى يندمج مع العيال بسهوله لكن وش اسوي خلاص طاح الفاس بالراس آآآآآآه بس ياليت تحسون بمشاعري ما اقدر اوصفها نصيـــــــحـــــــه مني كــأخت لكم لا تعودين طفلك على هالطريقه لان ماراح تحسين بالندم الا بعدين ودك لو الزمن يرجع واتعودينه مخالط الاولاد ويقدر يدافع ويبني شخصيته