الله يعافيكم يا حريم اللي تعاني من اهل زوجها تفيديني

السلام عليكم ورحمة الله وبركاته
كيفكم يا بنات حواء الله يخليكم ويسعدكم ويسخر لكم اهل ازواجكم وازواجكم قولوا امين
ندخل بالموضوع وفديت روحها الي ترد عليها الله يجعلها في ميزان حسناتها
انا يا طويلات العمر متزوجه من سبع سنين وعايشه في مدينه اهل زوجي حلو الكلام حلو
والله وبالله وتاللهً ماني امدح نفسي لكني نية ماني اعرف بخباثه الحريم وحركاتهم غشيمه بهالامور وحاولت اتعلم حركات ونغزات الحريم بس ماعرفت احسها هبل وقلة ادب
عندي ام زوجي معها ست بنات طبعا بناتها لازم تعليهم السقف حتى لو انهم فاشلات ما اقول انهم فاشلات لا والله راعيات بيت هم ست ثنتين متزوجين والباقي عندها بالبيت بعمري واصغر مني حلو الكلام
طبعا ام زوجي هذي ما اقول تكرهني الله اعلم عنها لكنها وااااااضح انها ما تحبني وياويلي وسواد ليلي لو اسوي شي احسن من بناتها خاصه بالطبخ ذبحتني كل زيارة لهم ذلتني بناتي يسسون ويطبخون ويفعلون المهم اعطيها جوها واسكت الحمدلله اعرف اطبخ وكذا مره اجيب اكلات معي عندهم والله تمدح اكل بنتها وانا لا يعني انقهري وانا ما ارد اسكت
بناتها يغارون مني غيرة مرض مو غيرة طبيعيه زي الحريم لا غيرة توصل للكره والحقد لاني انافسهم بالمكياج واعرف الموضه هم مايبغون كذا يبغوني لحجيه ما اعرف ولاشي عكس سلفتي مسكينه ماخذينها من قريه ماتعرف شي يموتون فيها مرررره وانا كاني شيطان رجيم غيره مع اني اشوف احيانا عليهك ملابس حلوه والله انبسط احب اجلس مع احد لابس ومتشيك هم لااااااا اعوذ بالله اذا شافوني لبست وتشيكت او احيانا اكون عاديه لبسي مرتب قسم بالله تعالوا شوفوا وجيههم كاني ضرة ما كاني زوجة اخوهم
اما القنبله النوويه تخيلو جبت ولد مريض توفى قبل شهر والله للحين ماجو عزوني في بيتي وبيتهم بعدي بشارع يعني دقيقة وهم عندي اما سلفتي جابت بنت وتوفت شفت بعيني محد قلي لما رحت اعزيهم يقولون بنروح لها ما بنتركها وفوق هذا مشيت الموضوع لما قالي زوجي امي تعبانه ويشهد الله دايما اوصيه عدى امه مو حبا فيها لكن خوفا من الله لما قالي ان امه تعبانه رحت وسلمت عليها ولما دريت وحذه من خواته المتزوجات تعبانه ارسلت لها وقلت لها بجيك اسلم عليك قالت بعطيك خبر تخيلو ماردت علي من يومين شفتوا قلة الادب يعني فوق ماجو حتى عزونس بولدي وابغا اقوم بالواجب ساحبين علي حتى زوجي بنفسه انحرج مني ماقدر يدافع عنهم واضحه حركاتهم وضوح الشمس وغير لما ازورهم ولما اكون متشيكه انا وعيالي يسوون نفسهم ماكاني موجوده يسولفًون مع بعض لا ويسولفون عن عيالي قدامي يعني منتي مهمه شفتوا قلة الادب انا صراحه زهقت ومليت من حركاتهم واحس لاني ساكته وامشي زاودو بس انا مو من طبعي التهجم وحركات الحريم وترا الي قلته لكم نقطه في بحر من حركاتهم الله يهدينا ويهديهم عطوني حلول انا صراحه بديت اكرههم وهم السبب