الله يعتق من شاركتتي وردت علي من النار "حفل تخرج "

وش المرحله؟؟؟؟؟؟؟؟؟؟؟؟؟؟؟؟

مارديتي علي .........
على العموم ..بالنسبه للهدايا للخريجات انا كانت ميداليات نفس حقت اللاعبين يكتب فيها اسم المدرسه وتاريخ الدفعه ويمشون بالدور على انشوده للتخرج تشغلينها وتلبسين كل وحده..
اقترح عليك تسوين نشره يعني زي الكتاب بس تطبعينه على ورق عادي بالطابعه وبالاسود كل معلمه تكتب كلمه ورايها بالدفعه وتحت تكتب اسمها وانتي من ظمنهم يعني مثلا لك الامقدمه وتوزع عل الطالبات ..تكون ذكرى عنده ومااااااااينسونها ..انا كل مافتحتها وقريت كلام معلماتي احس تغصني العبره ..وبالنسبه للضيوف اي هديه رمزيه ..بس اهم شي اكتبي عليها حفل تخرج الدفعه ...واسم المدرسه.علشان تبقى عند الزوار ذكرى ولا يروح تعبك...
اللون اللي وراء الخريجات افضل شي الالسود او الاحمر ..
وبالنسبه للمسيره احسن ينزلون من درج وتشغل انشودة تخرج ويكونون لابسين لبس التخرج نفس اللون مع القبعه احنا دفعناتقريبا 30 ريال لمعلمتنا وهي فصلته لنا مع القبعه ..المهم ينزلون من الدرج على الانشوده لين يصفون جنب بعض مدام انهم 17 بنت ..
وبالنسبه لفقرات الحفل بعد المقدمه والقران كلمة المديره والمشرفه والمدرسات ..وكلمتك انتي وكلمة الطالبات ..وانشوده ..
المهم حبيبتي اذا تبغين اكتب لك بعض من كلمات الكتيب حق الحفل حقنا ..تصير تحطينه مقدمه او تقولينه انتي باسمك ...قولي لي ..
وبالتوفيق..
ولاتنسين تدعين لي .

هلا اختي

المرحلة الثانويه

جزاك الله خير

هذي كانت فكرتي

فكرت من الان اسوي لهم مفاجئه واخذ صورة كل طالبه وهي طفلة

واحطها في الكتيب واحط كلمات المعلمات لكل طالبه ونبذه عن كل طالبه

في الكتيب اللي يخصها , ووزعت استبان فيه عدة اسئلة وبحطها فيه

ومن ضمن الاسئلة ذكر موقف حصل لها وهي طفلة وموقف حصل لها وهي

في المدرسة وهكذا ..

اتمنى تفيديني بالكتيب




لك مني كل الاحترام

حلوه فكرتك تحطين صوره للطالبه وهي صغيره..
الكتيب حقنا فيه راي كل مدرسه بالدفعه من خمس الى ست اسطر وتحته اسم المعلمه..وفيه بعد كلام من ابداع الطالبات انفسهم ..يعني مثلا تكتب الطالبه اهداء لزميلاتها بالوداع وتحط اسمها ,,وحده ثانيه ابيات شعر فصحى اهداء للمدرسه وللمديره .. فكرتك حلوه بس وش بتستفيد الطالبه وهي اللي بتاخذ الكتيب فيه معلومات عنها ..
المهم انك تخلين عند كل وحده كتيب فيه فكره عن المدرسه وعن المديره وعنك وعن زميلاتها ..كذا احسن ..
هاذي المقدمه اكتبيها اواقتبسي منها اللي يعجبك في مقدمة الكتيب او على الغلاف..

تابى الشمس الا ان تودعنا في وقت الاصيل,معلنة نهاية يوم حافل بالاحداث ,كذلك هي الايام تمضي سريعه معلنة نهاية عام حافل بكل مااودعنها من هموم وأمال وطموحات واحلام,ولكن يبقى شي ما يغذي هذه الطموحات ويدفع عجلة الحياه الدراسيه الى الامام تلك هي الايام,وحان الوقت لان نقف عند محطة الفراق ..فهاهو الواقع .فعلينا ان نحياه بكل تفاصيله..حتى لانذوب في خيال نرسمه..نشم فيه عذب النسائم بين هالات الاحلام ..لنستيقظ فيما بعد لواقع مرير ..بكل خوف يذيب الخطوات امامنا..فلا ننظر ال هذه الحياه بمنظار اسود ..يعيق جمال المستقبل ..ويهشم روح الامل في ارواحنا ..فبالتالي ستسدل الدنيا استارها ..وتغلق ابوابها ..
فلماذا ذلك كله ؟؟؟من اجل الوداع؟؟؟
لكن ستبقى الذكرى ..الذكرى الجميله التي تداعب الحياه من حين الى اخر ..في وحدة النفس المبعثره لتلملم اشتاتها..او في حين الحاجه الى استرجاع شريط الذكريات ..فتكون تلك الذكريات بمثابة الوقود الذي يزودنا للسير للامام دوما ..
والوصول الى القمه ..اذن الحياه ليست كفؤا لمطرح همومنا ..ونقش جراحنا..
{فستبقى الذكرى تجمعنا ..اذا الاقدار خانتنا}

وسلاااااااااااااااااامتك