اهلين خواتي و مشكورات على ردودكم...
الاخت pelican... جزاكي الله كل خيراً و شكراً على ردك

الاخت ايام العمر... اذا كان الانسداد بسيط تنفع المحاليل ...


الاخت (( الأجوديه )) : والله جربنا السلك المسكينه الخدامه تمت تحاول....لكن ما فيه فايده.....على كل حال نور الموضوع

تعرفون يا بنات شو طلعت المشكله....من المسحوق اللي مثل السكر....اللي هو الصودا الكاويه اللي يسلك.......صاير مثل الاسمنت و متجمد.....لان انا حطيته و لا صبيت ماء عليه.....و المفروض اني بعد 15 دقيقه اصب عليه ماء لكن انا ما سويت هالشي....لكن انا صبيت الماء يمكن بعد ساعتين...وانسد الحوض و لا حتى السلك يمشي...المهم حصلت لي محاضره معتبره من ابونا.....و حبيت اخبركم عشان ما تغلطون نفس غلطتي...احذرو يا اخواتي و اتبعو التعليمات المكتوبه على العلبه زين مو تسون مثلي..... :icon33:

تجيبون عصا رفيعه وفي نهاية العصا اربطو فيها الميدار مال السمج اللي يصيدون فيه
وتخشون راس الميدار في المغلسه وحركوا العصا يمين ويسار وفوق وتحت وشوفوا الوسخ اللي بيلطع في الميدار حتى الشعر بيشله وخلوا عدالكم كيس عشان تحطون الوسخ اللي بيطلع

اهلين اختي وردة الشارجة ...مشكوره على الرد...بصراحه طريقة الميدار طريقه مبتكره....
و يا بنات اللي ما تعرف الميدار هو الصنار الصغيره مالت السمك...

هلا اختي افضل شي مسحوق يودو
بس لازم 1- تشيلين الماء من الحوض
2- تسكبين المحلول في الفتحة
3- تصبين مباشرة ماء ساخن مغلي
والله معاك
في طريقة ثانية بس خطرة !!!!! تضعين كلوركس + فلاش + ماء مغلي 00بس وخري وأنتي تصبين لانه خطر راح يطلع دخان أبيض مع صوت تفاعل مخيف 00!!
بس جربتها في حوض متسكر فترة طويلة ومشى الحال