قدر الله علي ياأخواتي وأنحاشت شغالتي الله ينتقم لي من اللي زرع الفكرة برأسها وساعدهاوسهل أمرها وآواها عنده،وينتقم يارب من اللي خلواالدنيا سايبة لاحسيب ولا رقيب ومثل هالعمالة القذرة تتجرأ علينا وتعمل خطط وتشتغل بينا ولا ضربت حساب أحد لكن من أمن العقوبة اساء الأدب،لاتلوموني مو أول وحده تنحاش وكأن الواحد يغرف فلوسه من بنك، أصبحت ظاهرة لهم لأنهم يحصلون دبل من شغلهم غير النظامي
المهم إني عفت الشغالات وماني طايقة شغالة تدخل بيتي
لامن زين شغل ولا نظافة ولا طيب نفس الله لايحوجنالهم
لكن مشكلتي إني من انولدت ماتعودت أن الشغل أكون مسؤولة عنه بروحي
وإن كل تفاصيل البيت على رأسي
أفتقد التخطيط والتنظيم ومحتاجة مساعدتكم وأفكاركم عشان أكون من المضربات عنهم
وبقول حاجتي في نقاط وبوضح في بعضها كيف وضعي وانتوا ماراح تقصرون معاي
- أنا ماشاءالله لاحول ولا قوة إلا بالله بيتي كبير خاصةعلى وحدة الشغل عليها وماتعودت:44:
بيتي دورين وملاحق
ميزة الدور الأول قليل إستخدامة
يعني جلستنا أكثر شي وحوستنا
في ملحق خارجي خلفي +مطبخ خارجي+غرف أولادي 3
باقي البيت
المطبخ الداخلي والصالة مجرد مرور
يعني المطبخ الداخلي القى بس كاسات فيه
مافيه شغل
أبي طريقة تنظم وقتي وتختصرعلي شغلي بدون شغل يهد الحيل أو وقت كثير يهد حيلي
- عندي مشاءالله لاحول ولا قوة إلا بالله 5 أطفال
وأكثر اللي متعبني وملخبط شغلي الصغار
ولدي عمره سنة دايم يترنم وبس شيليني وقليل يسج عني أو يلهى بشي
وبنت كملت 3 سنوات شقية وبكاية ودايم تتحلطم وزعلانة وتضرب وتخرب ولا فيه قوة بالأرض تشغلها عني إلاماندر
هالأثنين هم اللي غلبوني وخلوا شغل البيت هم على قلبي
لأني ماأعرف أشتغل وأوقف تبرد همتي من زين الحماس:icon33:
الباقين الكبار يساعدوني
مرات شغلهم اوكي
ومرات مطاريس:icon33:
ومرات يساعدوني في شي ويخبصون في أشياء
يطفشوني لما يحسوبني جورية يطلعوا الشي من الثلاجة ولا يرجعونه
أو يستخدموا الملاعق ويسيبوها عالطاولة
أو يأكلوا في أي مكان ويقعد الشي يخيس حتى أشوفه وأخاصمهم!
أو يمشوا بالعصير وينقط ولايدرون وأمشي والأرض تتلزق
صار وقتي معهم كله هواش ونصح ملوامني ومليت منهم ماودي أطفشهم بس غصب عني
- الطبخ هذا عاد متعتي لكني أشيل هم تحضيرحاجتي من تقطيع وفرم وطحن:icon33:
أتمنى زوجي وأولادي من عشاق الخبز والجبن
وغسيل المواعين نشف يديني وهلكني مايوقف
وأنا إنسانة ماأحب تبقى حتى الملعقة أحسها على قلبي
مع إني خالطةكريم أحطه والبس قفاز منها أحمي يدي ومنهاأعتني فيها
- الفرن:icon33:
أبيه صافي أعجز وأناأدعك وعيبه أبيض اللي ماينشاف ينشاف
- الهدوم الحمدلله غسالتي الله لايحرمني منها
تغسل وتعصر وأحطها بالنشاف ولاأحتاج منشر بس لو تكوي ياسلام
أنا يوميا أغسل ملابس
حاولت أقنع زوجي بالكواية الكبس بس ماأقتنع
يقول المضبوطة زي حقت المغاسل أمريكية بالبخار على 7 آلاف وفيها
وأنا قلت الكبس العادية اللي سبق وشفتها أظنها بحدود الف ونصف تأدي الغرض حتى لوماكانت توب فوش رأيكم؟
المهم هذا وضعي والكلام يطول
اللي بتساعد وعندها إقتراح وجدول يساعد
أوأفكار تختصر شغلي والله بدعي لها قايمة قاعدة
ياعذابي @yaaathaby
عضوة نشيطة
الله يعطيها حتى يرضيها اللي ترد وتساعدني أوترفع الموضوع أو حتى تدعي لي.....
64
3K
يلزم عليك تسجيل الدخول أولًا لكتابة تعليق.
الصفحة الأخيرة
اللي اقدر اقولة ... فيه نقطتين مهمه جدا
1-اذا كنت عادي تقومين الصبح بدري حلو مرة تسوين شغلك قبل مايصحون الصغار وتجهزين للطبخك وفيك تروقين قبل مايصحون
2-لا للتاجيل.. اي شغلة مهما كانت تافه ماتسوى لا تاجلين سوي الشي بلحظته..
وياليت اقدر اطبق يارب
ولاتنسين طبعا الاذكار سحان الله 33 مرة والحمد لله 33 مرة والله اكبر 34 مرة لها مفعول موطبيعي
والله يسهل امرك يارب وجميع المسلمين
وياليت اكون افتدك