الله يعني ويقوينى يارب ........... فضفضه !

اخواتى والله انا ماكتبت الاوانا خلاص واصله مرحلة لايعلم الا الله بها من الاكتئاب والضيقه . سبحان الله انا الوحيده من عايلتى حضى ماهو معي في كل شي . الحمدلله اصلي واصوم وامي راضيه عنى والدى توفي هو راضي عنى ومحبوبه مع جيرانى والله الحمد لكن مالى حض بهالدنيا . تزوجت وتغربت وصبرت مع ان جميع اخواتى واخوانى عند بعضهم الله
لايفرقهم في مدينه عنى الفين كيلوا . خلصت دراسه ولاتوضفت ولد ت اعيال وبنات وانا حنونه مر ه معاهم لدرجه فضيعه لانى مابيهم يتربون نفسي بقسوه وخوف ومع ذالك عاقين مايسمعو لي راي ابدا وقلت مالوم امى لوتقسي معنا . زوجي يومين كويس معي ويمين قاسي ويقول انتى قلبك اسود صفي قلبك والله يرزقك ونسي كل شي سويته عشانه ومابي اكون منانه واقول سويتلك وسويتلك ويشهد الله انى مكافئاتى لاجتنى كنت اشري لمه واخته ذهب حتى افرحهم معي . وغيره وغيره انا ما احب لسويت شي اقوله بس من قهرى قلتلكم امثله بسيطه وكل ليله اصلي وادعي ان الله يرقني بالوظيفه والذريه الصالحه .والحمدلله الهم لااعتراض .احس كلما سويت خير مع الناس ينقلب ضدي الزمن ويصبح الحظ اردى واردى ......... :(الحين ياخوات انا تعبانه نفسيا وجسديا تخيلو ماامشي الا اعرج واتمسك الجدران ولا اعرف هو من الغده الدرقيه ولا من الادويه الي اخذها وكلما اتاقلم مع مرض يطلعلي مرض من غير حصوه ذابحتنى بالحالب ومن غير التهاب في اسناني والله صرت استحي اقوله ودنى الطبيب وتعبت من الادويه . وكل شوي ناطه الشغاله هي وجها مسويتلي مشكله معي وخلاص قررت اسفرها وزوجي حرم يجيب غيرها . :30:كذا مره احلم ان الثعابين تنطوى علي زى الطفل يوم تلفيه وتضل ترص في جسمى لحد ما اقرى في المنام المعوذات وتتقطع . ويتكرر الحلم وفسره لي الشيخ ان هناك نفس قويه عليكي وحسد ارقي نفسك وصرت ارقي نفسي احيانا لكن ازيت مااحب ادهن فيه وداومت عليه في رمضان وسبب لى في اسفل ساقي حسسيه زي الاكزيما وتحكني مره ويوم تركته راحت . ادرى انى طولت عليكن اسمحلي على الاطاله لكن قلت افض فض لكن لعل فيكن وحده دعوتها مستجابه . وعسى ان تفيدنى الله لايوريكن حياة تعيسه يارب .