الله يعوضنا خير سرق فلوسنا وراحت علينا العمره ....

السلام عليكم ورحمه الله وبركاته
شلونكم صبايا
مبارك عليكم الشهر وتقبل الله طاعتكم واعانكم على صيامه وقيامه
اوصيكم بالاستغفار والدعاء والقيام وقراءه القران والتصدق
استغلوا الشهر احسن استغلال


تعرفون ان العمره في رمضان تعادل حجه مع الرسول صلى الله عليه وسلم
وكنت مشتاقه للعمره حيل حيل
خاصه اني مبطيه من مكه من فتره مارحت لها
وكنت متامله برمضان اعتمر وتعرفون عمره رمضان اجواء ايمانيه حلوة

تصدقون اكتب لكم وكلي حنين لمكه
الصلاه خلف الامام
وسماع السديس والشريم واءمه الحرم
شرب ماء زمزم والدعاء
صلاه اخر الليل
الله يبلغنا مكه يارب
المهم يابنات
اني انا وماما واخوي كنا حاجرزين عند مكتب
ودفعنا فلوسنا كامله
على اساس نعتمر ثاني اسبوع برمضان
وحسبنا الله ونعم الوكيل
يوم راح اخوي يستلم التذاكر
درى ان راعي المكتب ناصب على الناس وسرق فلوسه وانحاش
حسبنا الله ونعم الوكيل
حط بذمته فلوس هالناس الس تبي تعتمر وبرمضان
معقوله ماخاف
معقوله فيه ناس اعماها الطمع
وفيه ناس دافعه اكثر من 10 الاف ريال
ماا اقول غير الحمدلله رب العالمين
يارب تنكتب لي عمره يارب
ويعوضنا خير
وحسبنا الله ونعم الوكيل


بنات لاتنسوني من صالح دعاءكم
الحمدلله على كل حال