الله يعوض كل انسانة تورطت بزواج ( زوجوه يعقل )

الله يعوضني خير ويعوضك يارب
العقبه لي الله ييسرلي الطلاق ويخلصني من شره هو واهله

دعوووواتكم لي
مره الدنيا ضايقه فيني
الحمدلله على كل حال


حسبنا الله ونعم الوكيل

حبيبتي احمدي الله انه نجاك منه ومن أهله
اطوي الماضي وانشغلي بنفسك وحياتك
وهالاحساس اللي فيك لأنك تو انفصلتي لكن انتظري فتره وبتكونين أفضل والقادم اجمل بحول الله وقوته

الله يعوضك خيرا منه

اول شي احمدي الله على انه انتي تطلقتي بدون تعليق .. والحمدلله طلعتي من هاذي التجربة بدون اطفال

لان لو فيه اطفال بتدفعين الثمن غالي ..

الزواجات والرجال ماهم زي بعض وربما انتي اخذتي واحد وطلع مافيه خير مو معناه كل الرجال مثله

او انه كل وحده تزوجت بيكون زوجها زي طليقك

خلي املك بالله كبير وحاولي دامك تخلصتي من التجربة الاولى انك تطلعين منها بدون تاثيرات نفسيه لك مستقبلا

ومشاكل تاثر عليك انا اعرف وحده تزوجت واحد وكانت تشكي منه وطلبت الطلاق وحصل ذلك

وبعد فترة جاها عريس و كانت رافضه وبعدين اقنعوها بانه فيه خير وملتزم وتزوجت

والان نسالها ونقول يافلانه كيف تقول الحمدلله عوضني الله بزوج مالي على حياتي بعد الله

وولو ازعل واضيق من اي شي هو كمان يزعل تلقائي ولمن افرح يفرح لفرحتي

بالمختصر ربي عوضها شي كثير كان منتظرها يعني البنت كانت متزوجه واحد مايستاهلها

وتطلقت منه وكانت زعلانه وتندب في حضها ماكانت تدري ان ربي بيعوضها بالانسان الثاني

هذا اللي صار كل شي في حياتها بعد الله

ف الحين انتي يااختي استعيني بالله ولاتيأسين من رحمة الله واعتبري هالشي انه خيره لك

وعسى ان تكرهوا شي وهو خيرا لكم

وانا بعد الله يعين يارب :crap::icon33::icon33:

وش رايك باللي زيك انغشت بواحد راعي ادمان على الخمر والمخدرات لا وزياده على كذا متشدد ومعصب وبخيل ويطفش ويبيك بس خدامه وتولدين عياله ومالك اي حقوق
ولك ولد بعد
شوفي مطلقه من سنه بس وعندي ولد يرضع
وماقول الا حسبي الله عليه وعلى اهله وعسى ربي يبتليهم في بناتهم مثل مما غشونا وهو الله لايسامحه وربي ادعي عليه وباخذ حقي منه اجل غير اجل
وعسى ربي يعطيه مصيبه بالدنيا ويعجل عقوبته هالعاصي يارررب
اقولك بس احمدي ربك ماعندك اولاد وبس