يشوف قدام عينك وتوجهينه ولا من وراك

بكرة يكبر وفجاءة ينفتح على العالم وينصدم وحاول يكتشف ويجرب الشي اللي انحرم منه

لكن لازم نكون معاهم خطوة خطوة مع المراقبة والتوجيه

الله يعين والله تحسين بحرقه على عيال المسلمين جيل ماندري وش بيجي وراه كأنا في حرب ندافع عن تعاليم ديننا وأخلاقنا والغزو من كل مكان ياربي تستر..

موضوعك جاء ع الجرح

اخوي اصغير دايم مزعج امي وش معنى اناااا ومن هالكلام

كل ماحسيت امي ضعفت اجي ع راسي امي لا

والله بلاوي لو تشوفينه اللي تقول اشتري له ولا تفعلين له الخدمه

راح يزن لين يشغلهاااا يعني مو مضمون

ولد اختي اصغر من اخوي شرت له تقول ماابيه يحس انه ناقص :o
اختي كانت ماابيه يشغل الخدمه بس شغلهااا وتشوف المحدثات ناس كباااااااااااااااااار ؟

واخوي هناااا انجن اصغر مني وعنده

انا بصراحه يجيني شمزاز اذا شفت بزر ومعه ودي اطقه ههههه
الله يهديهم لناااا

الله يعينك والله زمن صعب فيه كل شي

الله يجزاكم الجنه ووالديكم والله يبارك لكم باعمالكم واموالكم وبحياتكم

اللهم من ساعدتني ونصحتني اللهم اجعلها في اعلى عليين ووسع مدخلها وارزقها من خيري الدنيا والاخره وسخر لها الصالح من خلقك.......................آآآآآآآآآآآآآآآآآمين

اختي شابوره اعجز عن شكرك اقتنعت بكلامك والحمد لله ولدي مهو عنيد وهادي ولله الحمد وهو اللي قال اشرطوا اي شيء بس جيبوا لي بلاك

اقتنعت ان المنع مهو مناسب بهذي الفتره الزمنيه ولا السنيه ولابد من المراقبه والحرص والتوجيه والله يعيننا على تربيتهم تربية صالحة آآآآآآآآآآآآآآآمين



شروطنا راح تكون كالتالي:

*الصلاة مع الجماعه وإذا صار فيه اي تقصير اواهمال ينبه ثم يسحب.

*دخول حلقة التحفيظ.

*ما فيه اشتراك بالخدمه هذي الفتره الى الصيف وإذا شفناه قد المسؤليه يفعلها على حسابه في الصيف.

*ممنوع منعا باتا يدخل غرفة النوم.

*مايكون له رقم سري.

*ماياخذه الابعد ما يخلص دروسه وواجباته وكل ما كان مجتهد راح اتنازل له بالوقت اكثر.

*ما يضيف احد الا بعلمنا وموافقتنا ومبدئيا انا حددت قائمه بالشباب اللي اثق من اهلهم يشيكون على جوالاتهم.

*اكون انا اول المضافين واطلب من القرايب اللي هو يحبهم مثل الخوال وعيال العم اللي بالجامعه مثلا يطولون بالهم معه ويقبلونه معهم.من باب ان عنده ناس كثار مضافين.

*طبعا هذي الشروط راح نكتبها وتكو زي العقد اللي بيننا وبينه.

وسلامتكم اللي عنده اضافه تتحفنا بارك الله فيكم