الله يعيني طحت في موسوسه وش بيفكني

السلام عليكم
https://www.hawaaworld.com/زعل...
اللي قرا موضوعي هذا👆🏻👆🏻 قبل تقريبا شهرين يمكن
مختصر الحكاية انه جاره وصديقه اغلب سوالفها عن زوجها شكاوي ووكلام فاضي مره ماكنت مروقه ورديت عليها رد قاسي وزعلت وقالت انه انا حاسدتها على حبها الزوجها وانه دايم في بالها عكسي انا اللي ما اجيب طاريه ومره زماااااان سألتني انتي تحبي زوجك قلت احبه واحترمه لكن مو نفسك هيمانه فيه وهو شغلي الشاغل لو يغيب ساعه اضيع لا الحمدالله عادي مايهمني ولا اطق له خبر جا اهلن وسهلن عين حجاب وعين غطاء ما جا بسلامته
هي من هنا اخذت الموضوع بجدية وانه انا حاسدتها على حبها الزوجها وكل ما تزاعلت مع زوجها قالت عطيني غسالك او عطيني اثرك او ارسلت قارورة ماء قالت اقري فيها كأني فعلا حاسدتها حوم الله كبدها هي وزوجها ذاك اليوم جتني تبكي وقالت من بعد كلامك لي يوم تقولي حومتي كبدي كل سوالفك عن زوجك وش ذا التعلق وانا صايره اكره زوجي وما اطيقه ممكن عطيتيني عين بدون قصد وبكاء وقرف قلت في قلبي افتكي منها واقري في مويه وعطيها تشرب بعدك مويه وعبس تمر من عقبي عشان مانجلس توسوس وتطس مادريت الا قبل شوي مرسله واتس تقول انا كرهت زوجي وابي انفصل عنه وابي من اثرك اخاف هذي عين وبرسلك قارورة موية تقرين فيها انا هنا حااامت كبدي قلت يا ادميه زودتيها وع تراك حومتي كبدي وانا قالولك ايش ماغير حاطتك في بالي انتي وزوجك ترى لي حياتي الخاصه ومقتنعه فيها عيب استحي يا شيخه وزعلت وقالت حسبي الله عليك كانك ما قريتي في مويه معناته حاسدتنا وتبيننا نتفرق انا وزوجي ولا عادي اقري في قاروره ليش مكبرتها قلت قريت الشهر اللي فات عيب ليش احسدك يابنت المفروض من اول مره وقفتك عند حدك بس قلت حرام اول مره تطلب مني طلب وماابي اردها ثم توسوس وتفكر ويدخل ابليس براسها لكن صارت عاده كل ماتهاوشتي مع زوجك جيتي عندي تحسبيني معطيتك عين وانا مادري عنك ولا عن حياتك ولاتهميني واساساااا اعرفك من سنواااااااات هذي انتي كل شهر تتهاوشووون لا جديد ليش الحين اخر شهرين صرت انا اللي عطيتكم عين ولا كل ذا السنوات تتهاوشون من تزوجتو ولاعمرك قلتي عين وخشم وش طرى عليك قالت لي نسيتي قبل يوم تقولين لي حومتي كبدي انتي وزوجك ماغير شاغله نفسك بزوجك ٢٤ ساعه انتي من ذاك الكلام ماثارلي سعد ولاشفت الخير كأنها عين وطقتني
الأن اخواتي وش الحل معاها ببتل كل شهر اقرالها كل ماتهاوشت مع سي السيد شكت فيني كيف اتفاهم معاها كيف اسكتها المشكله من عقب ذاك الموضوع وانا منقطعه عنها وعلاقتي معاها جدا رسميه ومع ذلك ماسلمت وش الحل مع ذا النوعيات تكفون الفزعه