الله يعين بشراتنا على البلاوي اللي نحطها عليها..........تعالوا اقولكم سر خطير !!

ياخواتي بختصر لكم الطريق وادش بالموضوع على طول (( وحده متعوده اتدش على طول بالشبه ))

اول شي

لي زميله بالدوام ادعوا لي اني اصير مثلها ( الاخت تتشرط )

زميلتي هذي ماشاء الله عليها والله ذبحتها مدح وين ماروح ......الله يهديني مثلها ملتزمة جدا جدا

ولها قدرة عجيبه على انها تسكت طول اليوم وتستغفر بس (الله لا يغير عليها ....شكل البنت بتنحرف والسبة عوينتي )

وكلامها قليل جدا جدا (هذا وانا داشة بالموضوع وبختصر مصختها )

المهم مرة كنا نسولف بالدوام (قصه النوم) عن المنظفات والكريمات واحسن ماركة مثل جونسون ونونو وسيباميد وبيبي جوي وهالطقه .............الخ

المهم تكلمت اختنا هذي اللي دايما ساكته وقالت لنا معلومه مهمة جدا جدا

قالت ان خالتها تشتغل كيميائيه بوزارة الصحة عندنا بالكويت وان جميع المستحضرات اللي نستخدمها تحوي على مواد كيماويه .......لكن ضررها على المدى البعيد......يعني الاخوان برا لاعبين فينا ما اتشوفون مستوى الغباء في اولادنا يزيد !!!!!!


ولما سألناها ليش ما يمنعون هالمستحضرات قالت ان الواسطة فوق القانون ومايقدرون يمنعون كل المنتجات من الدخول وطبعا الرشاوي تشتغل علشان التقرير للمستحضرات يطلع سليم ويدخلون سمومهم لبلادنا حسبي الله عليهم ......تقول خالتها الحين حولت الادله الجنائيه والسبب المسخرة اللي قاعده اتصير والرشاوي والتحايل والتلاعب بارواح الناس

بس فيه ماركة قالت انها خاليه تماما من اي مواد كيماويه هي ماركة سيباميد وانها مفيده وحلوه ........هذا كلامها لما كانت تشتغل قبل بس ما ادري الحين يمكن غيروا تركيبة المستحضر وكل شي جايز


والله احترنا الحين ما ندري شنسوي كل شيء مواد كيماويه ......:44: